భారత్ వేదికగా మరో మెగా టోర్నీ జరగబోతోంది. 2026 ప్రపంచ బ్యాడ్మింటన్ ఛాంపియన్షిప్ (World Badminton Championship)కు మన దేశం ఆతిథ్యం ఇవ్వనుంది. భారత్‌లో ప్రపంచ ఛాంపియన్షిప్ జరగనుండడం ఇది రెండోసారి మాత్రమే. 2009లో హైదరాబాద్‌ వేదికగా తొలిసారి ఈ టోర్నీని నిర్వహించారు. షెడ్యూల్‌ ప్రకారం 2023 సుదిర్మన్‌ కప్‌ భారత్‌లో జరగాల్సి ఉంది. కానీ ఆ అవకాశాన్ని ప్రపంచ బ్యాడ్యింటన్‌ సమాఖ్య (BWF) చైనాకు ఇచ్చింది.
కరోనా పరిస్థితుల కారణంగా ఈ ఏడాది చైనాలో జరగాల్సిన సుదిర్మన్‌ కప్‌ను ఫిన్లాండ్‌కు తరలించింది. 2023 సుదిర్మన్‌ కప్‌ ఆతిథ్య హక్కులను వదులుకున్న భారత్ 2026 ప్రపంచ బ్యాడ్మింటన్ ఛాంపియన్షిప్ నిర్వహించేందుకు అంగీకారం తెలిపిందని బీడబ్ల్యూఎఫ్‌ తెలిపింది.
ఇదీ చదవండి: Tokyo Olympics: అథ్లెటిక్స్లో పతక కరవు తీరేనా?
