ప్రపంచ బ్యాడ్మింటన్లో సరికొత్త మార్పులు రానున్నాయి. మ్యాచ్లో ఆటగాళ్ల స్కోరును లెక్కించడంలో భాగంగా ఇప్పటివరకు 'మూడు గేమ్స్లో తలో 21 పాయింట్లు' ఉన్నది కాస్త 'ఐదు గేమ్స్లో తలో 11 పాయింట్లు'గా మారే అవకాశాలు దాదాపుగా కనిపిస్తున్నాయి.
మే 22న జరిగే వార్షిక సర్వసభ్య సమావేశంలో ప్రపంచ బ్యాడ్మింటన్ సమాఖ్య(బీడబ్ల్యూఎఫ్) ఈ ప్రతిపాదనను తీసుకురానుంది. దీనితో పాటే పలు ప్రపోజల్స్ను ఈ భేటీలో చర్చించనున్నారు.
ఈ ప్రతిపాదనను బీడబ్ల్యూఎఫ్.. కౌన్సిల్ ముందుకు తీసుకెళ్లిందని, దీనిపై ఓటింగ్ మే నెలలో జరుగుతుందని ప్రపంచ క్రీడా పాలకమండలి చెప్పింది.
అయితే ఈ ప్రతిపాదనను స్వాగతిస్తున్నట్లు బీడబ్ల్యూఎఫ్ అధ్యక్షుడు పౌల్ ఎరిక్ హోయర్ లార్సెన్ చెప్పారు. ఈ మార్పు.. ఆటలో ఆసక్తిని పెంచి, వాటాదారుల్ని, అభిమానులుకు ఉత్తేజాన్ని తీసుకొస్తుందని అభిప్రాయం వ్యక్తం చేశారు.
