ఆల్ ఇంగ్లాండ్ బ్యాడ్మింటన్లో భారత స్టార్ షట్లర్ సైనా సెహ్వాల్ మొదటి రౌండ్ నుంచే వెనుదిరిగింది. గాయం కారణంగా మ్యాచ్ మధ్యలోనే రిటైర్డ్ హర్ట్గా వైదొలిగింది. డెన్మార్క్కు చెందిన మియా బిచ్ఫెల్ట్తో జరిగిన ఈ మ్యాచ్లో మొదటి సెట్ను 8-21తో కోల్పోయిన సైనా, రెండో సెట్లో 4-10తో వెనకబడిన క్రమంలో మ్యాచ్ నుంచి తప్పుకుంది.
సైనా భర్త కశ్యప్ కూడా మొదటి రౌండ్లోనే వెనుదిరిగాడు. రెండుసార్లు ప్రపంచ విజేత కెంటో మొమోటో చేతిలో 13-21, 20-22 తేడాతో ఓడి ఇంటిముఖం పట్టాడు. అలాగే మరో ఆటగాడు శ్రీకాంత్ కూడా తొలి రౌండ్లోనే ఓటమి చెందాడు. మరో క్రీడాకారిణి సింధు మాత్రం రెండో రౌండ్లోకి ప్రవేశించింది.
