ఓటీటీ ప్రేక్షకులు ఎంతో ఆసక్తిగా ఎదురుచూస్తోన్న 'ది ఫ్యామిలీమ్యాన్ 2' వెబ్సిరీస్ విడుదలకు రంగం సిద్ధమైంది. శుక్రవారం(జూన్ 4) అమెజాన్ ప్రైమ్ ద్వారా ప్రేక్షకుల ముందుకురానుంది. అయితే ఈ సిరీస్ రిలీజ్కు ముందే కొన్ని వివాదాల్లో చిక్కుకుంది. తమిళులకు మనోభావాలు దెబ్బతీసే విధంగా ట్రైలర్లో సన్నివేశాలు తమిళనాడులో ఇటీవలే కొన్ని ఆందోళనలు జరిగాయి. ఈ నేపథ్యం వెబ్సిరీస్ రిలీజ్ను ఆపేయాలని అక్కడి రాష్ట్ర ప్రభుత్వం సహ పలువురు కేంద్రప్రభుత్వాన్ని కోరారు.
అయితే ఈ సిరీస్లోని పాత్రలు కానీ, కథ ద్వారా ఎవర్ని కించపరచబోమని దర్శకనిర్మాతలు స్పష్టం చేశారు. ఓ సారి వెబ్సిరీస్ చూసిన తర్వాత ఓ నిర్ణయానికి రావాలంటూ ఆందోళకారులను కోరారు. ఇలాంటి ఉద్రిక్తతల మధ్య రిలీజ్ అవుతోన్న ఈ సిరీస్ ప్రేక్షకులను ఏ విధంగా మెప్పించగలదో? అనే ఉత్కంఠ మొదలైంది. ఈ ఉత్కంఠకు మరికొన్ని గంటల్లో తెరపడనుంది.
మనోజ్‌ బాజ్‌పాయ్‌, ప్రియమణి ప్రధానపాత్రలు పోషించిన ఈ సిరీస్ మొదటి భాగం ప్రేక్షకుల్ని విపరీతంగా అలరించింది. శ్రీకాంత్‌ తివారీగా మనోజ్‌ నటన విశేషంగా ఆకట్టుకుంది. మొదటి సీజన్ అందించిన విజయోత్సాహంతో 'ది ఫ్యామిలీ మ్యాన్' సీజన్ 2ను తెరకెక్కించారు దర్శకద్వయం రాజ్, డీకే. రెండో సీజన్లో అదనపు ఆకర్షణగా కథానాయిక సమంత నటించారు.
ఇదీ చూడండి: The Family Man: అలరించిన పాత్రలివే!
