'శ్రీదేవి డ్రామా కంపెనీ'లో మెగాస్టార్ బర్త్డే హంగామా

శ్రీదేవి డ్రామా కంపెనీ లేటెస్ట్ ప్రోమో అలరిస్తోంది. చిరుబర్త్ డేతో పాటు రాఖీ పండగను ఆనందంగా జరిపి, అభిమానులకు ఫుల్ ఎంటర్టైన్మెంట్ ఇచ్చేందుకు సిద్ధమవుతున్నారు. వచ్చే ఆదివారం ఈ ఎపిసోడ్ ప్రసారం కానుంది.

'శ్రీదేవి డ్రామా కంపెనీ'

Published : Aug 15, 2021, 5:57 PM IST

మెగాస్టార్ చిరంజీవి పుట్టినరోజు, రాఖీ పండగ.. ఈసారి ఒకేరోజు(ఆగస్టు 22) వచ్చాయి. దీంతో ఈ రెండింటికి ప్రాధాన్యమిస్తూ 'శ్రీదేవి డ్రామా కంపెనీ' ఫుల్ హంగామా చేశారు. ఈ సందర్భంగా వచ్చిన షో లేటెస్ట్ ప్రోమో.. నెటిజన్లను తెగ ఆకట్టుకుంటోంది.

చిరు సినిమాల్లో హిట్ పాటలకు వర్ష-ఇమ్యాన్యుయేల్, రాంప్రసాద్-రోహిణి, గెటప్ శీను-భాను జోడీలు డ్యాన్సులు చేసి అదరగొట్టారు. మరోవైపు సుధీర్, రాంప్రసాద్, కెవ్వు కార్తీక్, బాబు సోదరీమణులు వచ్చి వాళ్లకు రాఖీలు కట్టారు. ఆ తర్వాత తమ తమ్ముళ్లపై పంచులు వేసి నవ్వించారు.

శ్రీదేవి డ్రామా కంపెనీ టాక్ షో

రవికృష్ణ-సావిత్రి.. రాఖీ పండగ సందర్భంగా అద్భుతమైన డ్యాన్స్ ప్రదర్శన చేశారు. దీనిని చూసి సెట్లో ఉన్న వారందరూ భావోద్వేగాన్ని నియంత్రించుకోలేకపోయారు. సీరియల్ నటి శిరీష్.. తనకు అన్నయ్య లేడని చెప్పగా, సుధీర్ ఇకపై ఆమెకు అన్నయ్య అవుతానని మాటిచ్చాడు.

ఫన్, డ్యాన్స్, ఎమోషనల్.. ఇలా అన్ని భావోద్వేగాలతో అలరిస్తున్న ఈ ఎపిసోడ్.. ఆగస్టు 22 మధ్యాహ్నం 1:30 గంటలకు ఈటీవీలో ప్రసారవుతుంది.