నమ్మించి మోసం చేశారంటూ జయలలిత కంటతడి

ఈటీవీలో ప్రసారమయ్యే 'ఆలీతో సరదాగా' సెలిబ్రిటీ టాక్ షోకు ఈ వారం అతిథిగా హాజరయ్యారు నటి జయలలిత, వరలక్ష్మి. వీరి జీవితానికి సంబంధించిన పలు ఆసక్తికర విషయాలు పంచుకున్నారు. జీవితంలో తాను మోసపోయిన విధానాన్ని వివరిస్తూ కంటతడి పెట్టుకున్నారు జయలలిత.

ఆలీ వ్యాఖ్యాతగా ఈటీవీలో ప్రసారమయ్యే 'ఆలీతో సరదాగా' కార్యక్రమానికి ఈ వారం నటి జయలలితతో పాటు సీనియర్‌ ఆర్టిస్ట్‌ వరలక్ష్మి అతిథులుగా విచ్చేశారు. ఈ సందర్భంగా చిత్ర పరిశ్రమలో వారి ప్రయాణం ఎలా మొదలైంది, 'శంకరాభరణం'లో వరలక్ష్మి ఎలా నటించింది, వ్యాంప్‌ పాత్రల్లో జయలలిత ఎందుకు చేయాల్సి వచ్చిందో షోలో వివరించారు. ఈ క్రమంలో 'జీవితంలో చాలాసార్లు మోసపోయారు కదా?' అని ఆలీ ప్రశ్నించగా దానికి వివరణ ఇచ్చింది జయలలిత.

"2013 నుంచి నాతో పాటు ట్రావెల్ అయిన ఓ ఫ్యామిలీ.. నాకు బాగా తెలిసిన ఫ్యామిలీ. డీమానిటైజేషన్ వచ్చిన సమయంలో.. 'డబ్బులకు బాగా ఇబ్బంది అవుతుంది. సీరియల్ తీయలేకపోతున్నాం' అంటే నేను కూడా ఆ సీరియల్​లో ప్రధానపాత్ర పోషిస్తున్నా కాబట్టి.. ఆర్థికంగా సాయం చేశా. నా దగ్గర నుంచి వారు డబ్బులు తీసుకోవడం, ఇవ్వడం జరుగుతూ వచ్చింది. అలా 2018 డిసెంబర్ వరకు 4 కోట్ల వరకు తీసుకుని చేతులెత్తేసి వెళ్లిపోయాడు. రెమ్యూనరేషన్ తీసుకోలేదు. వడ్డీ లేదు ఏం లేదు. ఇప్పుడు నేను క్యాబ్​లో తిరుగుతున్నా. కారు లేదు. ఎన్ని కార్లు వాడానో నేను. ఈరోజున షూటింగ్ అంటే కంపెనీ వాళ్లు నాకు కారు పంపించాలి. ఇంత నమ్మి ఎలా మోసపోయాను. నా మీద నాకే అసహ్యం వేస్తుంది" అంటూ కంటతడి పెట్టుకున్నారు జయలలిత.

• " class="align-text-top noRightClick twitterSection" data="">