'జాంబిరెడ్డి' సినిమాతో హీరోగా ఎంట్రీ ఇచ్చిన తేజ సజ్జా తనదైన నటనా శైలితో ఆకట్టుకున్నాడు. దీంతో అతడితో సినిమా చేసేందుకు దర్శకనిర్మాతలు ఆసక్తి చూపుతున్నారు. ఈ క్రమంలోనే ప్రముఖ నిర్మాణ సంస్థ వైజయంతీ మూవీస్ బ్యానర్లో యూత్ఫుల్ ఎంటర్టైనర్గా రూపొందబోయే ఓ కొత్త సినిమాకు ఓకే చెప్పాడని సమాచారం. త్వరలోనే అధికారికంగా ప్రకటించనున్నారని తెలిసింది.
ఈ బ్యానర్లోనే మెగాస్టార్ చిరంజీవి నటించిన 'చూడాలనివుంది' సినిమాతో బాల నటుడిగా అరంగేట్రం చేశాడు సజ్జా. 'ఇంద్ర' సినిమాలోనూ చైల్డ్ ఆర్టిస్ట్గా తనదైన నటనతో ఆకట్టుకున్నాడు. ఇప్పుడదే బ్యానర్లో హీరోగా చేయనుండటం విశేషం.
కరోనా కారణంగా విధించిన లాక్డౌన్ వల్ల సజ్జా నటించిన తన రెండో చిత్రం 'ఇష్క్' విడుదల తేది తాత్కాలికంగా వాయిదా పడింది. ఇప్పటికే విడుదలైన టీజర్, పాటలు ఈ సినిమాపై అంచనాలు భారీగా పెంచాయి. మరోవైపు శివానీ రాజశేఖర్తో కలిసి 'వెన్నెల' మూవీలోనూ కనిపించనున్నాడు.
ఇదీ చూడండి: 'బుట్టబొమ్మ' పాట.. యూట్యూబ్లో మరో రికార్డు
