పాల్ వైట్ అంటే ఎవరికి తెలియకపోవచ్చు. అదే బిగ్ షో అని పిలిస్తే ఇట్టే గుర్తుపట్టేస్తారు చాలామంది. డబ్ల్యూడబ్ల్యూఈ చూసే వారికి ఈ పేరు సుపరిచితమే. అయితే ఈ ప్రొఫెషనల్ రెజ్లర్ నెట్ఫ్లిక్స్ కామెడీ సిరీస్లో నటించనున్నాడు.
'ద బిగ్ షో షో' అనే పేరుతో డిజిటల్ ప్రేక్షకుల్ని అలరించబోతున్నాడు. టీనేజి కూతురు తమ కుటుంబంతో కలిసి ఉన్నప్పుడు జరిగే సంఘటనలను హాస్య ప్రధానంగా చూపించనున్నారు. ఈ సిరీస్ పది ఎపిసోడ్లు ఉండనున్నట్టు సమాచారం.
ఇప్పటికే చాలా హాలీవుడ్ సినిమాల్లో అతిథి పాత్రల్లో తళుక్కున మెరిశాడు బిగ్ షో. ఇప్పుడు రాబోతున్న నెట్ఫ్లిక్స్ సిరీస్లో ప్రధాన పాత్రలో నటించనున్నాడు. ఆలిసన్ మున్, రెలైన్ క్యాస్టర్, జూలియట్ డోన్ఫీల్డ్ తదితరులు ఇందులో భాగం కానున్నారు. ఆగస్టు 9 నుంచి ఈ సిరీస్ షూటింగ్ ప్రారంభం కానుంది.
ఇది చదవండి: భారతీయుడు 2 చిత్రంలో పాల్గొననున్న కమల్!
