అభిమానుల కోసం మరింత కష్టపడతానని చెప్పాడు ప్రముఖ బాలీవుడ్ హీరో సల్మాన్ఖాన్. 30 ఏళ్లుగా తనను ప్రేమతో ఆదరిస్తున్నారని... అందుకే వారి అంచనాలను అందుకునేలా సినిమాలు చేస్తానని అన్నాడు. ఐఫా అవార్డ్స్-2019 విలేకరుల సమావేశానికి హాజరైన అతడు ఫ్యాన్స్తో తనకున్న అనుబంధాన్ని పంచుకున్నాడు.
"1989లో 'మైనే ప్యార్ కియా' సినిమా తర్వాత నాకు, అభిమానులకు మధ్య బంధం పెరిగింది. అప్పట్నుంచి 'భాయ్', 'భాయ్జాన్' అని పిలుస్తూ తమలో ఒకడిగా చూసుకుంటున్నారు. ఇది సాధించడానికి చాలా సమయం పట్టింది. ఈ ఎదుగుదలతో పాటు, నాకున్న అభిమానులను చూస్తుంటే చాలా ఆనందంగా ఉంది. వారి కోసం మరింత కష్టపడాలని అనుకుంటున్నా. నన్ను ఎలా అయితే వాళ్లు చూడాలనుకుంటున్నారో అలాంటి పాత్రలకే ఎక్కువ ప్రధాన్యమిస్తాను".
-సల్మాన్ఖాన్, కథానాయకుడు
20వ ఎడిషన్ ఐఫా అవార్డుల కార్యక్రమం ఈనెల 18న ముంబయిలో జరగనుంది. యువహీరోలు అర్జున్ కపూర్, ఆయుష్మాన్ ఖురానా వ్యాఖ్యాతలుగా సందడి చేయనున్నారు. ప్రముఖ నటులు సల్మాన్ ఖాన్, కత్రినా కైఫ్, రణ్బీర్ కపూర్, విక్కీ కౌశల్, మాధురి దీక్షిత్, సారా అలీఖాన్ వంటి స్టార్లు వేదికపై ప్రదర్శనలు ఇవ్వనున్నారు. వీరితో పాటే అమిత్ త్రివేది(సంగీత దర్శకుడు), నేహా కక్కర్, జస్సీ గిల్తో పాటు తదితరులు సంగీత విభావరిలో పాల్గొంటారు.
ఇది చదవండి: గ్యాస్ సిలిండర్తో 'జంగిల్' వీరుడి ఫీట్లు
