దేశవ్యాప్తంగా విశేషాదరణ పొందిన ఆస్కార్ అవార్డు సినిమా 'స్లమ్డాగ్ మిలియనీర్'. ఈ చిత్రంలోని ఓ గేమ్ షోకు హోస్ట్గా వ్యవహరించే ప్రేమ్కుమార్ పాత్రలో బాలీవుడ్ ప్రముఖ నటుడు అనిల్కపూర్ నటించారు. ఈ పాత్రలో ఆయన నటనకు ప్రత్యేక గుర్తింపు లభించింది. అయితే ఈ హోస్ట్ పాత్రలో స్టార్ హీరో షారుక్ ఖాన్ వ్యవహరిస్తే ఎలా ఉంటుందో ఊహించుకోండి?
అవును మీరు విన్నది నిజమే. అనిల్కపూర్ కన్నా ముందు ఈ పాత్రకు షారుక్ను సంప్రదించారు ఆ చిత్ర దర్శకుడు డానీ బోయెల్. దీని కోసం ఇద్దరు కలిసి కొంతకాలం కూడా పనిచేశారు. కానీ అనంతరం ఆ పాత్ర చేయనని వెనక్కి తగ్గారు.
అయితే తాజా ఇంటర్వ్యూలో అందుకు గల కారణాన్ని వివరించారు షారుక్. పాత్ర నిడివి తక్కువ ఉండటం, కొంచెం మోసపూరితమైనదిగా అనిపించడం వల్ల తిరస్కరించినట్లు ఇంటర్వ్యూలో స్వయంగా వెల్లడించారు.
- " class="align-text-top noRightClick twitterSection" data="">
సినిమా కథ
ముంబయి మురికివాడ ధారావిలోని దుర్భరమైన పిల్లల జీవితం నేపథ్యంలో తెరకెక్కింది స్లమ్డాగ్ మిలియనీర్. అంతర్జాతీయ స్థాయిలో సంచలనం సృష్టించింది. ఎన్నో అవార్డులు, రివార్డులు అందుకోవటమే కాకుండా కమర్షియల్‌గానూ సూపర్‌ హిట్ అయింది. ఆస్కార్ బరిలోనూ సత్తా చాటింది. ఉత్తమ దర్శకుడు, ఉత్తమ చిత్రం, ఉత్తమ సంగీత దర్శకుడు, బెస్ట్ అడాప్టెడ్‌ స్క్రీన్‌ప్లే, బెస్ట్ ఫిలిం ఎడిటింగ్‌, బెస్ట్ సౌండ్ ఎడిటింగ్‌, బెస్ట్ సౌండ్ మిక్సింగ్‌ కేటగిరిలో నామినేట్‌ అయింది. ఈ చిత్రానికి సంగీత దర్శకుడు ఏఆర్‌ రెహమాన్‌కు ఆస్కార్ అవార్డు దక్కింది.
ఇది చూడండి : ఆ పాత్ర కోసం విద్యాబాలన్ 75సార్లు ఆడిషన్!
