టాలీవుడ్ సూపర్స్టార్ మహేశ్బాబు విలక్షణ నటనతో పేరుతెచ్చుకున్న చిత్రం 'నిజం'. తేజ దర్శకత్వం వహించాడు. 'ఒక్కడు' వంటి బ్లాక్ బస్టర్ తర్వాత విడుదలైన ఈ సినిమాపై భారీ అంచనాలే నెలకొన్నాయి. అయితే బాక్సాఫీస్ వద్ద నిరాశపర్చింది.
తండ్రి చావుకు కారణమైన అవినీతి, లంచగొండి అధికారులు, సంఘ విద్రోహ శక్తులను తల్లి ప్రోత్సాహంతో... సీతారాం అనే యువకుడు ఎలా అంతమొందించాడనేదే ఈ చిత్ర కథాంశం.
- " class="align-text-top noRightClick twitterSection" data="">
ఈ సినిమా భారీ కలెక్షన్లు రాబట్టలేకపోయినా మహేశ్ నటనకు బాగా ప్రశంసలు వచ్చాయి. ఈ చిత్రానికి ఉత్తమ నటుడిగా నంది అవార్డును అందుకున్నాడు ప్రిన్స్. అయితే సినిమా ఫ్లాప్ కావడానికి కారణాలను ఓ సందర్భంలో వెల్లడించాడు దర్శకుడు తేజ.
" మహేశ్బాబు కాకుండా ఇంకెవరైనా కొత్త కుర్రాడు అయితే 'నిజం' బాగా ఆడేదేమో. అయితే ఫ్లాప్ కావడానికి మహేశ్ కారణం కాదు. ఎందుకంటే ఈ సినిమా కన్నా ముందు వచ్చిన 'ఒక్కడు' భారీ విజయాన్ని అందుకుంది. ఫలితంగా ఆయనకు ఒక కమర్షియల్‌ ఇమేజ్‌ వచ్చింది. ఆ తర్వాత నిజం విడుదల కావడం వల్ల ఈ సినిమా ఆ స్థాయిని అందుకోలేకపోయింది". --తేజ, సినీ దర్శకుడు
'నిజం'లో మహేశ్బాబు కాకుండా వేరే నటుడు ఎవరైనా అయితే సూపర్స్టార్ అంత ప్రదర్శన ఇవ్వలేకపోయేవారని మరో అభిప్రాయం వ్యక్తం చేశాడు తేజ.
"నిజం సినిమా మహేశ్బాబు కాకుండా వేరే నటుడితో తీస్తే ఎవరూ ఆ స్థాయిలో నటించే వారు కాదు. కొత్తవారి నుంచి అంత నటన రాబట్టుకోవడం కష్టం. మహేశ్బాబు నటనకు ఇప్పటికీ కృతజ్ఞతలు చెబుతా. కానీ ప్రిన్స్కు వచ్చిన స్టార్‌డమ్‌ కారణంగా ఈ చిత్రం ప్రేక్షకులకు ఎక్కలేదు". --తేజ, సినీ దర్శకుడు
'బాబి' తర్వాత 'నిజం' కోసం మహేశ్‌ను ఎంపిక చేసినట్లు తేజ చెప్పాడు. ఈ రెండింటి మధ్యలో 'ఒక్కడు' వచ్చింది అన్నింటినీ మార్చేసిందని అభిప్రాయపడ్డాడు. ఆ సినిమా వల్లే మహేశ్కు కమర్షియల్‌ ఇమేజ్‌ పెరిగిందన్నాడు. తప్పు తనదీ కాదు, మహేశ్‌బాబుదీ కాదని చెప్పిన ఈ ప్రముఖ దర్శకుడు.... ప్రేక్షకుల దృష్టిలో ప్రిన్స్ పెద్ద హీరో అయిపోవడమే కారణమని తెలిపాడు. ఇదే మా పాలిట దురదృష్టంగా మారిందని అన్నాడు తేజ.
- " class="align-text-top noRightClick twitterSection" data="">
