ఐకాన్ స్టార్ అల్లు అర్జున్.. 'పుష్ప' సినిమాతో బిజీగా ఉన్నారు. అయితే బన్నీ తర్వాతి ప్రాజెక్టు ఎవరితోనా అని గత కొద్దిరోజుల నుంచి చర్చ నడుస్తోంది. ఇందులో భాగంగా బోయపాటి, మురగదాస్, శ్రీరామ్ వేణు, ప్రశాంత్నీల్ తదితర స్టార్ డైరెక్టర్ల పేర్లు వినిపిస్తున్నాయి.
బోయపాటి, శ్రీరామ్ వేణుల్లో ఒకరు.. బన్నీతో తర్వాత సినిమా చేయనున్నట్లు తెలుస్తోంది. 'సరైనోడు' లాంటి హిట్ ఇచ్చిన బోయపాటి.. అల్లుఅర్జున్ కోసం మరో మాస్ కథ సిద్ధం చేస్తున్నట్లు తెలుస్తోంది. వేణు శ్రీరామ్ 'ఐకాన్'కు తుదిమెరుగులు దిద్దుతున్నారు. మరి రెండింటిలో ఏది ముందు మొదలవుతుందో చూడాలి?
ప్రస్తుతం బన్నీ చేస్తున్న 'పుష్ప'.. రెండు భాగాలుగా విడుదల కానుంది. తొలి భాగం ఈ ఏడాది, తర్వాతి భాగం వచ్చే ఏడాది వేసవిలో థియేటర్లలోకి వచ్చే అవకాశముంది.
ఇవీ చదవండి:
