'ఆర్ఆర్ఆర్' చిత్రం తర్వాత రామ్చరణ్ ఎవరి దర్శకత్వంలో నటిస్తాడా? అని ప్రేక్షకులు ఆసక్తిగా ఎదురుచూస్తున్నారు. ఇప్పటికే చెర్రీకి పలువురు దర్శకులు కథలు వినిపించారు. ఇటీవలే 'గ్యాంగ్‌ లీడర్‌' చిత్రంతో విజయం అందుకున్న విక్రమ్ కె. కుమార్.. మెగా పవర్స్టార్కు ఓ కథ వినిపించాడని సమాచారం. అతడి దర్శకత్వంలో చరణ్ నటించే అవకాశాలున్నాయని తెలుస్తోంది.
కథలోని ఓ కీలక సన్నివేశం చెప్పగానే చెర్రీకి బాగా నచ్చేసిందట. కథ మొత్తం సిద్ధం చేయమని చెప్పినట్లు టాలీవుడ్‌లో టాక్‌ నడుస్తోంది. 'ఆర్ఆర్ఆర్' చిత్రం తర్వాత దాదాపు ఈ దర్శకుడే ఖరారు కావొచ్చని గుసగుసలు వినిపిస్తున్నాయి. ఇందులో నిజమెంతో తెలియాలంటే అధికారిక ప్రకటన కోసం ఎదురుచూడాల్సిందే.
ఇదీ చూడండి.. చెర్రీ తొలి ఇన్స్టా పోస్ట్ అమ్మకే అంకితం
