రౌడీహీరో విజయ్ దేవరకొండ, క్రేజీ డైరెక్టర్ పూరీ జగన్నాథ్ కాంబినేషన్లో రూపొందుతోన్న చిత్రం 'లైగర్'. బాలీవుడ్ బ్యూటీ అనన్య పాండే హీరోయిన్. మే 9న విజయ్ పుట్టినరోజు సందర్భంగా చిత్ర టీజర్ను విడుదల చేసేందుకు చిత్రబృందం సిద్ధమైంది. కానీ, దేశంలో కరోనా మహమ్మారి వేగంగా వ్యాపిస్తున్న తరుణంలో టీజర్ను విడుదల చేయడం సరైనది కాదని చిత్రబృందం నిర్ణయించింది. ఈ నేపథ్యంలో టీజర్ విడుదలను వాయిదా వేస్తున్నామని తెలిపి.. కొత్త రిలీజ్ తేదీని త్వరలోనే ప్రకటిస్తామని ఈ సందర్భంగా నిర్మాణసంస్థ తెలియజేసింది.
"విజయ్ దేవరకొండ పుట్టినరోజు సందర్భంగా మే 9న 'లైగర్' పవర్ప్యాక్డ్ టీజర్ను రిలీజ్ చేయాలని తొలుత సిద్ధమయ్యాం. అంతలోనే దేశంలో కరోనా మహమ్మారి విజృంభిస్తున్న నేపథ్యంలో టీజర్ విడుదలను వాయిదా వేయాలని నిర్ణయించాం. అయితే ఈ టీజర్లో విజయ్ దేవరకొండను ఎప్పుడు చూడని విధంగా టీజర్లో కనువిందు చేస్తాడని హామీ ఇస్తున్నాం" అని నిర్మాణసంస్థలు పీసీ కనెక్ట్, ధర్మ ప్రొడక్షన్స్ సంయుక్తంగా ప్రకటించాయి.
ఇదీ చూడండి: కుర్రకారు మదిని 'డిస్టర్బ్ చేస్తున్నాదీ' బ్రిటీష్ భామ!
