'గీత గోవిందం', 'డియర్ కామ్రేడ్' చిత్రాలతో హిట్ కాంబో అనిపించుకుంది విజయ్ దేవరకొండ, రష్మిక జంట. సినిమాల్లో వీరి కెమిస్ట్రీ ఎంతలా పండిందంటే నిజజీవితంలో వారిద్దరూ ప్రేమలో ఉన్నట్లు పుకార్లు షికారు చేసేంత. ఈ జంట కనిపించిన ప్రతిసారి అభిమానుల వారి గురించి తెగ చర్చిస్తారు. అయితే డియర్ కామ్రేడ్ చిత్రం తర్వాత వీరిద్దరి కాంబోలో మరో సినిమా రాలేదు. వీరు కలిసిన సందర్భాలు కూడా చాలా అరుదు.
వెండి తెరపై క్యూట్ కపుల్ అనిపించుకున్న ఈ జంట మరో సినిమా ఎప్పుడు చేస్తారా? అని అభిమానులు ఎదురుచూస్తున్నారు. వీరిద్దరూ కలిసి మరో సినిమా చేయడం మాట ఏమో కానీ.. ఇద్దరు కలిసిన ఫొటోలు మాత్రం ప్రస్తుతం వైరల్ అయ్యాయి. జిమ్లో వర్కౌట్స్ చేస్తూ విజయ్ దేవరకొండతో రష్మిక దిగిన సెల్ఫీని ఆ జిమ్ ట్రైయినర్ తన ఇన్స్టాలో షేర్ చేశాడు. ఫిట్నెస్పైన వారికి ఉన్న నిబద్ధత చూస్తే చాలా సంతోషంగా ఉందని పేర్కొన్నాడు.
విజయ్, రష్మికల ఫొటో చూసి అభిమానులు మురిసిపోతున్నారు. ప్రస్తుతం విజయ్.. పూరి జగన్నాథ్ దర్శకత్వంలో తెరకెక్కుతున్న 'లైగర్' సినిమాలో హీరోగా నటిస్తున్నాడు. మరోవైపు రష్మిక.. 'ఆడవాళ్లు మీకు జోహార్లు', 'పుష్ప' సినిమాల్లో నటిస్తూ బిజీగా ఉంది.
ఇదీ చదవండి : మెగాస్టార్ కొత్త సినిమా 'బోళా శంకర్'
