'పెళ్లిచూపులు' తర్వాత తరుణ్ భాస్కర్, విజయ్ దేవరకొండ కాంబినేషన్లో మరో చిత్రం రాబోతుంది. కాకపోతే ఇక్కడ తరుణ్ హీరో, విజయ్ నిర్మాత. 'మీకు మాత్రమే చెప్తా' పేరుతో రానున్న ఈ చిత్రం ఫస్ట్లుక్ విడుదలైంది. బుధవారం సినిమాను ఖరారు చేసి.. గురువారం తొలిరూపు విడుదల చేయడం విశేషం.
'మీకు మాత్రమే చెప్తా: మై బెస్ట్ ఫ్రెండ్స్ సీక్రెట్' అనే సబ్టైటిల్తో ఫస్ట్లుక్ ఆకర్షిస్తోంది. షమీర్ సుల్తాన్ ఈ సినిమాకు దర్శకత్వం వహిస్తున్నాడు.
తరుణ్ - విజయ్ కాంబినేషన్లో వచ్చిన 'పెళ్లి చూపులు' సినిమా ఘనవిజయం అందుకుంది. మళ్లీ ఈ సినిమాతో వీరిద్దరూ కలిసి పనిచేయడం ప్రేక్షకుల్లో అంచనాలు పెంచాయి. తరుణ్ భాస్కర్ దర్శకుడిగానే కాకుండా మహానటి, ఫలక్నూమాదాస్ చిత్రాల్లో నటించి నటుడిగానూ మెరిశాడు.
ఇది చదవండి: ట్రైలర్: తప్పొప్పులను నిర్ణయించేది ఎవరు..!
