బాలీవుడ్లో ఓటీటీ ప్లాట్ఫామ్ ద్వారా విడుదలయ్యేందుకు మరో సినిమా సిద్ధమైంది. గణిత శాస్త్రవేత్త 'శకుంతలా దేవి' బయోపిక్ ఈ జాబితాలో చేరింది. అమెజాన్ ప్రైమ్లో జులై 31 నుంచి స్ట్రీమింగ్ కానుంది. ఇందుకు సంబంధించిన ఓ వీడియోను చిత్రబృందం పోస్ట్ చేసింది.
ఇందులో టైటిల్ రోల్ పోషించిన విద్యాబాలన్ ఓ క్లిష్టమైన లెక్కను పరిష్కరించమని అభిమానులకు పజిల్ ఇచ్చి... మళ్లీ తానే సమాధానం చెబుతూ కనిపించింది. ఆ సమాధానమే సినిమా విడుదల తేదీ.
- " class="align-text-top noRightClick twitterSection" data="">
'శకుంతలదేవి'కి అను మేనన్ దర్శకత్వం వహించారు. సోనీ పిక్చర్స్ సంస్థ నిర్మించింది. సన్యా మల్హోత్రా, అమిత్ సద్, జిసు సెంగుప్త కీలక పాత్రలు పోషించారు.
ఇప్పటికే అమితాబ్ బచ్చన్, ఆయుష్మాన్ ఖురానా నటించిన 'గులాబో సితాబో', కీర్తి సురేశ్ నటించిన పెంగ్విన్ సినిమా అమెజాన్లో విడుదలయ్యాయి.
ఇది చూడండి : సంక్రాంతి బరిలో పవన్ 'వకీల్సాబ్'!
