venkatesh birthday: తెలుగులో మీరు ఏ హీరోకైనా అభిమాని అయ్యిండొచ్చు కానీ ఫ్యాన్స్ అందరూ మెచ్చే ఏకైక హీరో విక్టరీ వెంకటేశ్. ఈ మాట చెప్పడంలో ఎలాంటి అతిశయోక్తి లేదు. అలాంటి వెంకీమామ పుట్టినరోజున ఆయన గురించి తెలుసుకోకపోతే ఏం బాగుంటుంది. అందుకే వెంకీ గురించి పలు ఆసక్తికర విశేషాలు మీకోసం.
*35 ఏళ్ల కెరీర్లో 74 సినిమాలు చేశారు విక్టరీ వెంకటేశ్.
*ఈ డిసెంబరు 13న వెంకటేశ్ 62వ వసంతంలోకి అడుగుపెట్టారు.
*వెంకటేశ్ తండ్రి రామానాయుడు ఓ ప్రముఖ నిర్మాత.
*1971లో 'ప్రేమ్నగర్' సినిమాతో వెంకటేశ్ బాలనటుడిగా అరంగేట్రం చేశారు.
*1985లో వెంకటేశ్ నీరజను వివాహం చేసుకున్నారు. హయవాహిని, ఆశ్రిత, భావన ముగ్గురు అమ్మాయిలు, అర్జున్‌ రామంత్‌ కుమారుడు.
*1986లో 'కలియుగ పాండవులు' సినిమాతో హీరోగా ఎంట్రీ ఇచ్చారు.
*ఆ తర్వాత కాలంలో స్వర్ణకమలం, బ్రహ్మపుత్రుడు, ప్రేమ, బొబ్బిలిరాజా తదితర సినిమాల్లో నటించి ప్రేక్షకుల్ని మెప్పించారు.
*'చంటి' లాంటి సినిమాతో తనలోని మరో యాంగిల్ను ప్రేక్షకులకు చూపించారు. ఆ తర్వాత కూడా పలు ప్రయోగాత్మక చిత్రాలు చేస్తూ ఇప్పటికీ అభిమానుల్ని మెప్పిస్తూనే ఉన్నారు.
*టాలీవుడ్‌లో సౌందర్య, విక్టరీ వెంకటేశ్ది అత్యంత విజయవంతమైన కాంబినేషన్లలో ఒకటి. వీరిద్దరూ ఏడు సినిమాల్లో నటించగా ఆరు సినిమాలు విజయవంతమయ్యాయి.
*'ప్రేమించుకుందాం రా', 'ప్రేమతో రా', 'నువ్వు నాకు నచ్చావ్‌', 'మల్లీశ్వరి' లాంటి రొమాంటిక్‌ సినిమాలు వెంకీ ఖాతాలో ఉన్నాయి.
*వెంకటేశ్కు నంది పురస్కారాలు ఏకంగా ఏడుసార్లు వరించాయి. అలానే ఉత్తమ నటుడిగా ఫిల్మ్ఫేర్ అవార్డులు అందుకున్నారు.
*ఇటీవల 'దృశ్యం 2' సినీ ప్రేమికుల్ని పలకరించిన వెంకటేశ్.. 'ఎఫ్ 3' షూటింగ్తో బిజీగా ఉన్నారు. వచ్చే ఫిబ్రవరిలో ఈ సినిమా ప్రేక్షకుల ముందుకు రానుంది.
