Salman Khan Katrina kaif Wedding: బాలీవుడ్ ప్రేమజంట విక్కీ కౌశల్-కత్రినాకైఫ్ వివాహ వేడుక తక్కువ మంది సమక్షంలో అట్టహాసంగా జరగనుంది. రాజస్థాన్లోని ప్రముఖ సిక్స్‌సెన్సెస్‌ కోట భర్వారా దీనికి వేదికైంది. అయితే అభిమానుల దృష్టి వీరి పెళ్లితో పాటు స్టార్ హీరో సల్మాన్ ఖాన్పైనా పడింది. ఆయన ఈ వేడుకకు వస్తారా? లేదా? అని తెగ ఆరా తీస్తున్నారు.
కాగా, సల్మాన్కు ఆహ్వానం అందిందా? లేదా? అనే అనుమానాలు ఫ్యాన్స్లో వ్యక్తమవుతున్నాయి. అయితే కత్రిన మాత్రం భాయ్ కుటుంబాన్ని మాత్రం ప్రత్యేకంగా ఆహ్వానించినట్లు తెలిసింది. కానీ సల్మాన్ తల్లిదండ్రులు అనారోగ్య కారణాల వల్ల ఈ పెళ్లికి రావట్లేదట! ఆయన ఇద్దరి చెల్లిల్లు అల్విరా ఖాన్, అర్పితా ఖాన్కు కత్రినతో మంచి స్నేహం ఉంది కాబట్టి వీరిద్దరూ తమ భర్తలు నటుడు ఆయుష్ శర్మ, దర్శకుడు అతుల్ అగ్నిహోత్రితో కలిసి పెళ్లికి వస్తారని సమాచారం.
సల్మాన్కు ఇష్టం లేదా?
గతంలో కత్రిన.. సల్మాన్తో ప్రేమలో ఉన్నట్లు వార్తలు వచ్చాయి. ఆ తర్వాత ఆమె విక్కీతో డేటింగ్ చేసి.. ప్రస్తుతం అతడినే పెళ్లి చేసుకోబోతుంది. కాగా, ఈ పెళ్లికి రావడం సల్మాన్కు ఇష్టం లేదంటూ అంతా మాట్లాడుకుంటున్నారు. తనకున్న బిజీ షెడ్యూల్ వల్ల భాయ్ రావట్లేదని తెలిసింది. అయితే ఈ వేడుకకు సంబంధించిన బందోబస్తు ఏర్పాట్లను భాయ్ బాడీగార్డ్ గుర్మీత్ సింగ్ దగ్గరుండి చూసుకుంటుండం విశేషం!
ఇదీ చూడండి: katrina vicky wedding: ఇదేందయ్యా ఇది.. పెళ్లి వీడియోకు 100 కోట్ల ఆఫరా?
