నాగశార్య, రీతూవర్మ జంటగా నటించిన కుటుంబ కథాచిత్రం 'వరుడు కావలెను'(varudu kaavalenu). ఈ చిత్రాన్ని దసరా కానుకగా అక్టోబరు 15న విడుదల చేయనున్నట్లు చిత్రబృందం ప్రకటించింది. కొత్త పోస్టర్ను విడుదల చేసింది. ఈ చిత్రానికి లక్ష్మీ సౌజన్య దర్శకత్వం వహించగా, సితార ఎంటర్టైన్మెంట్స్ పతాకంపై నాగవంశీ నిర్మించారు.
ఓటీటీలో 'తలైవి'..
తమిళనాడు మాజీ ముఖ్యమంత్రి జయలలిత జీవిత కథతో రూపొందిన పాన్ ఇండియా చిత్రం 'తలైవి'(Thalaivi Ott). ఏ.ఎల్.విజయ్ దర్శకత్వం వహించగా కంగనా రనౌత్ (Kangana Ranaut Movies) టైటిల్ రోల్ చేశారు. ఇటీవల థియేటర్లలో విడదులైన ఈ చిత్రాన్ని సెప్టెంబరు 26(ఆదివారం) ఓటీటీలో విడుదల చేయనున్నట్లు వెల్లడించారు.
ప్రముఖ ఒటీటీ ఫ్లాట్ఫామ్ నెట్ఫ్లిక్స్లో విడుదల కానుంది. ఈ సినిమాలో ఎంజీఆర్గా అరవింద్ స్వామి.. కరుణానిధి పాత్రలో ప్రకాశ్ రాజ్ నటించారు. శశికళగా పూర్ణ నటించారు. జీవీ ప్రకాశ్ స్వరాలందించారు. విష్ణు ఇందూరి శైలేష్ ఆర్. సింగ్ సంయుక్తంగా నిర్మించారు.
'ఖిలాడి' షూటింగ్ పూర్తి..
మాస్‌ మహారాజ్‌ రవితేజ కథానాయకుడిగా నటిస్తున్న సినిమా 'ఖిలాడి'(Raviteja Khiladi). రమేశ్ వర్మ దర్శకుడు. రెండు పాటలు మినహా.. ఈ సినిమా చిత్రీకరణ పూర్తయినట్లు చిత్రబృందం ప్రకటించింది. పెన్ స్టూడియోస్, ఎ స్టూడియోస్ ఎల్ఎల్పీ కలిసి నిర్మిస్తున్న చిత్రానికి దేవిశ్రీ ప్రసాద్ సంగీతం సమకూరుస్తున్నారు. డింపుల్‌ హయాతీ, మీనాక్షి చౌదరి హీరోయిన్లు.
నవంబరులో 'రొమాంటిక్'
ఆకాశ్ పూరీ, కేతిక శర్మ జంటగా నటించిన సినిమా 'రొమాంటిక్'. పూరీ జగన్నాథ్.. కథ, స్క్రీన్ప్లే, మాటలు అందించగా.. అనిల్ పాదూరి దర్శకత్వం వహించారు. ఛార్మి, పూరీ జగన్నాథ్ సంయుక్తంగా నిర్మించారు. ఇప్పటికే వచ్చిన పాటలు, పోస్టర్లు అలరిస్తున్నాయి.
జేమ్స్బాండ్ త్రీడీలో..
జేమ్స్ బాండ్ సిరీస్లో 25వ సినిమాగా తెరకెక్కిన 'నో టైమ్‌ టు డై'(No Time To Die Release Date) సెప్టెంబర్ 30న భారత్లో విడుదల కానుంది. అక్టోబర్ 8న అమెరికాలో ప్రేక్షకుల ముందుకు రానుంది. అయితే.. ఈ చిత్రం 2డీ, 3డీ, 4డీఎక్స్, ఐమాక్స్ వెర్షన్ల్లో విడుదల కానుంది. తెలుగు, తమిళం, కన్నడ, హిందీ భాషల్లో ప్రేక్షకుల్ని పలకరించనుంది. ఇప్పటికే రిలీజైన ఫైనల్‌ ట్రైలర్‌ విపరీతంగా ఆకట్టుకుంటోంది.
ఇదీ చదవండి: బ్లాక్బస్టర్ రీమేక్తో చిరు, నాగ్ మల్టీస్టారర్!
