ప్రముఖ దర్శకుడు రాజమౌళి ప్రతిష్ఠాత్మకంగా తెరకెక్కిస్తున్న భారీ చిత్రం 'ఆర్ఆర్ఆర్'. ఎన్టీఆర్‌ - రామ్‌చరణ్‌ కలిసి నటిస్తున్నారు. ఈ ఏడాది అక్టోబర్‌ 13న ప్రేక్షకుల ముందుకు రానుంది. అయితే ఈ సినిమా గురించి ఆసక్తికర విషయం ప్రస్తుతం అభిమానులు మాట్లాడుకుంటున్నారు.
ఇందులో సీత పాత్రలో నటిస్తున్న ఆలియా భట్ పుట్టినరోజు మార్చి 15. దీంతో ఆ రోజున ఈ సినిమా నుంచి అప్డేట్ వస్తుందని అభిమానులు భావిస్తున్నారు.
షూటింగ్ చివరిదశలో ఉన్న ఈ చిత్రంలో చరణ్ అల్లూరి సీతారామరాజుగా, తారక్ కొమరం భీమ్గా కనిపించనున్నారు. ఒలీవియో మోరిస్, ఆలియా హీరోయిన్లు. అజయ్ దేవ్గణ్, సముద్రఖని, శ్రియ ఇతర పాత్రలు పోషిస్తున్నారు. కీరవాణి సంగీత దర్శకుడు. డీవీవీ దానయ్య నిర్మాత.
