టీకా భయం పోగొట్టేందుకు ఉపాసన చొరవ

ప్రజల్లో కొవిడ్​ టీకా భయాన్ని అంతం చేసేందుకు మెగా పవర్​స్టార్​ రామ్​చరణ్​ సతీమణి ఉపాసన చొరవ తీసుకున్నారు. గురువారం అపోలో ఆస్పత్రిలో టీకా వేయించుకుని.. పౌరులంతా వాక్సినేషన్​లో భాగమయ్యి, కరోనా మహమ్మారిని జయించాలని ఆకాంక్షించారు.

ప్రస్తుతం భారత్​దేశంలో వాక్సినేషన్​కు అనుమతిచ్చిన రెండు కొవిడ్​ టీకాలపై రకరకాల ఊహాగానాలు వస్తున్నాయి. ఈ నేపథ్యంలో వాక్సిన్ తీసుకునేందుకు ప్రజలు ముందుకురావడం లేదు. ఈ నేపథ్యంలో పౌరుల్లో భయాన్ని పోగొట్టేందుకు మెగా కోడలు ఉపాసన ముందుకొచ్చారు.

ఆరోగ్య సిబ్బందితో ఉపాసన కొణిదెల

గురువారం అపోలో ఆస్పత్రిలో ఉపాసన కొవిడ్​ టీకా వేయించుకున్నారు. ఈ సందర్భంగా ఆమె మాట్లాడుతూ.. పౌరులందరూ ఎటువంటి సంకోచం లేకుండా వాక్సిన్​ వేయించుకోవాలని సూచించారు.

ఇదీ చూడండి: 'ఆ హీరోయిన్​ని కళ్లు ఆర్పకుండా చూసేవాడ్ని'