రెబల్స్టార్ ప్రభాస్ నటించిన 'సాహో' చిత్రానికి సంబంధించిన ఓ హీరో థీమ్ స్కోర్ను సంగీత దర్శకుడు గిబ్రాన్ వేలం వేయనున్నారు. ఈ సినిమాలోని హీరో పాత్ర కోసం కంపోజ్ చేసిన ఓ ట్రాక్ చిత్రంలో ఉపయోగించలేదు. లాక్డౌన్ నేపథ్యంలో తన తోటి సంగీత కళాకారులను ఆర్థికంగా ఆదుకునేందుకు ఆ థీమ్ స్కోర్ను వేలం వేయనున్నట్లు తెలుస్తోంది. దీని ద్వారా వచ్చిన ఆదాయంలో 50 శాతం తమిళనాడు సీఎం రిలీఫ్ ఫండ్కు విరాళంగా ఇచ్చి.. మిగిలిన సొమ్మును సంగీత కళాకారులకు సాయం చేయనున్నట్లు తెలిపారు.
"సాహో' సినిమాలోని ఉపయోగించని హీరో థీమ్(నాన్-ఫంగబుల్ టోకెన్)ను విడుదల చేయడం సంతోషంగా ఉంది. ఈ థీమ్ ట్రాక్ను వేలం వేయగా వచ్చిన ఆదాయంలో 50 శాతం తమిళనాడు సీఎం రిలీఫ్ఫండ్కు ఇవ్వగా మిగిలిన ఫండ్ను ఆర్థిక కష్టాలు ఎదుర్కొంటున్న సంగీత కళాకారులకు అందించనున్నాం".
- గిబ్రాన్, సంగీత దర్శకుడు
అయితే ఈ ట్రాక్ను 'సాహో' దర్శకుడు సుజిత్ తప్ప దీన్ని ఎవరూ వినలేదని గిబ్రాన్ అన్నారు. ఈ ట్రాక్ నచ్చినా.. దాన్ని పక్కనపెట్టారని తెలిపారు. యూవీ క్రియేషన్స్ పతాకంపై వంశీ, ప్రమోద్ నిర్మించిన ఈ చిత్రంలో ప్రభాస్ సరసన బాలీవుడ్ బ్యూటీ శ్రద్ధా కపూర్ నటించింది.
ఇదీ చూడండి: 'ఫ్యామిలీ మ్యాన్ 2' సిరీస్పై తమిళుల ఆగ్రహం!
