'సింగం' సిరీస్లో కథానాయకుడిగా నటించి ఆకట్టుకున్నాడు అజయ్ దేవగణ్. ఇటీవలే 'దేదే ప్యార్ దే' సినిమాతో ప్రేక్షకుల్ని అలరించాడు. త్వరలో హీరోయిన్ ప్రధానంగా పోలీస్ చిత్రం రాబోతుందని, రోహిత్ శెట్టి ఈ చిత్రాన్ని తెరకెక్కించే ఆలోచనలో ఉన్నాడని చెప్పాడీ హీరో. దీపికా పదుకొణే, కరీనా కపూర్ లేదా కత్రినా కైఫ్ ఈ పాత్రలో కనిపించే అవకాశముందన్నాడు.
భవిష్యత్తులో బాలీవుడ్లో యూనివర్స్ సినిమాలు ప్రముఖ పాత్ర పోషిస్తాయని చెప్పాడు హీరో అజయ్ దేవగణ్. 'అవెంజర్స్:ఎండ్గేమ్' లాంటి సినిమాల్ని బాలీవుడ్లో తెరకెక్కిస్తే ప్రేక్షకుల్ని అలరిస్తాయని పేర్కొన్నాడు.
"యూనివర్స్ సినిమాలు రానున్న రోజుల్లో బాలీవుడ్ను అలరించనున్నాయి. అగ్ర హీరోలు ఒక సినిమాలో కనిపిస్తే అభిమానులందరూ ఆ చిత్రానికి వెళ్తారు. ఇలాంటివి బాలీవుడ్లో రావాలంటే సరైన స్క్రిప్ట్ ముఖ్యం." -అజయ్ దేవగణ్, బాలీవుడ్ హీరో
ప్రస్తుతం చారిత్రక నేపథ్యమున్న 'తానాజీ'లో ప్రధాన పాత్ర పోషిస్తున్నాడు అజయ్ దేవగణ్. వచ్చే ఏడాది జనవరి 10న ఈ చిత్రం విడుదల కానుంది. భారతీయ దిగ్గజ ఫుట్బాల్ ఆటగాడు సయ్యద్ అబ్దుల్ రహీమ్ బయోపిక్లోనూ నటిస్తున్నాడు. టాలీవుడ్లో ప్రఖ్యాత దర్శకుడు రాజమౌళి ప్రతిష్ఠాత్మకంగా తెరకెక్కిస్తున్న 'ఆర్.ఆర్.ఆర్'లో కీలక పాత్రలో కనిపించనున్నాడీ నటుడు.
