నేచురల్ స్టార్ నాని కథానాయకుడిగా శివ నిర్వాణ దర్శకత్వంలో తెరకెక్కుతున్న చిత్రం 'టక్ జగదీష్'. ఈ సినిమా నుంచి ఒక అప్డేట్ ఇస్తామని గురువారం ప్రకటించింది చిత్రబృందం. అన్నట్లుగానే శుక్రవారం అదేంటో చెప్పారు. రోకటిలో దంచుతున్న ఒక మాస్ పోస్టర్ను విడుదల చేసి, డిసెంబర్ 25కి ఫోకస్ షిఫ్ట్ చేశామని చెప్పారు. అంటే.. క్రిస్మస్ కానుకగా 'టక్ జగదీష్' నుంచి ఫస్ట్ లుక్ పోస్టర్ విడుదలవుతుందేమో!
'టక్ జగదీష్'కు షైన్ స్క్రీన్స్ పతాకంపై సాహు గారాపాటి, హరీష్ పెద్ది నిర్మాతలుగా వ్యవహరిస్తున్నారు. రీతూ వర్మ, ఐశ్వర్యా రాజేశ్ హీరోయిన్లుగా నటిస్తున్నారు. తమన్ సంగీతం అందిస్తున్నారు.
