మెగాస్టార్ చిరంజీవి కథానాయకుడిగా నటిస్తున్న 'ఆచార్య' సినిమా నుంచి హీరోయిన్ త్రిష తప్పుకొంది. కొరటాల శివ దర్శకత్వం వహిస్తున్న సినిమా ఇది. కొణిదెల ప్రొడక్షన్స్‌ పతాకంపై రామ్‌చరణ్‌ నిర్మిస్తున్నాడు. ఈ సినిమాలో కథానాయికగా త్రిషను ఎంచుకున్నారు. అయితే ప్రాజెక్టు నుంచి వైదొలిగినట్లు ఆమె శుక్రవారం సాయంత్రం స్పష్టం చేసింది.
" కొన్ని విషయాలు తొలుత చెప్పినట్లు, చర్చించుకున్నట్లు కాకుండా విభిన్నంగా మారుతుంటాయి. క్రియేటివ్ అంశంలో భిన్నాభిప్రాయాల వల్ల చిరంజీవి సర్‌ సినిమాలో నటించకూడదని నిర్ణయించుకున్నా. చిత్ర బృందానికి నా అభినందనలు. తెలుగు ఆడియన్స్‌.. మరొక మంచి ప్రాజెక్టుతో మిమ్మల్ని త్వరలోనే కలుస్తానని ఆశిస్తున్నా"
-- త్రిష ట్వీట్
చిరు-త్రిష కలిసి ‘స్టాలిన్‌’ సినిమాలో నటించారు. 2006లో వచ్చిన ఈ సినిమా మంచి హిట్‌ అందుకుంది. ఇప్పుడు ఇన్నేళ్ల తర్వాత చిరు-త్రిష కాంబినేషన్‌ రాబోతోంది అనగానే అభిమానుల్లో ఆసక్తి నెలకొంది. మరోసారి వీరి జోడీని వెండితెరపై చూస్తామని సంతోషం వ్యక్తం చేశారు. కానీ ఆమె సినిమా నుంచి తప్పుకొంది.
గతంలోనూ ఇదే తరహాలో...
విక్రమ్ నటించిన 'సామీ 2'లో తొలుత త్రిష కథానాయికగా ఎంపికైంది. అయితే క్రియేటివిటీ అంశంలో అభిప్రాయాలు కుదరక తప్పుకుంటున్నట్లు ప్రకటించిందీ అందాల భామ. ఫలితంగా ఈ సినిమాలో కీర్తి సురేశ్ నటించింది.
ప్రస్తుతం త్రిష చేతిలో 'పరమపదం విలయాట్టు', 'రాంగీ', 'గర్జనై', 'రామ్‌', 'పొన్నియిన్‌ సెల్వన్‌' ప్రాజెక్టులు ఉన్నాయి.
ఇదీ చదవండి..
