స్టైలిష్ స్టార్ అల్లు అర్జున్ కథానాయకుడిగా సుకుమార్ దర్శకత్వంలో తెరకెక్కుతోన్న పాన్ ఇండియా చిత్రం 'పుష్ప'. లాక్డౌన్ వల్ల అనేక ఇబ్బందుల్ని దాటుకుని ఈ సినిమా షూటింగ్ పునఃప్రారంభమైంది. మొట్ట మొదటిగా భారీ యాక్షన్ సీక్వెన్స్తో చిత్రీకరణ మొదలు పెట్టారు. హాలీవుడ్ టెక్నీషియన్స్ కూడా ఈ షూట్లో పాల్గొన్నారు. ఆ తర్వాత కూడా మారేడుమిల్లి అడవుల్లో భావోద్వేగ పూరిత పోరాట సన్నివేశాలను తెరకెక్కించారు.
అయితే.. ఇప్పుడు స్వల్ప విరామం అనంతరం కూడా యాక్షన్ పార్ట్తోనే ఈ సినిమా షూటింగ్ ప్రాంరభమైనట్లు తెలుస్తోంది. హైదరాబాద్లో వేసిన సెట్లో విలన్ గ్యాంగ్తో కలిసి ఉండే ఒక సీన్లో అల్లు అర్జున్ పాల్గొన్నట్లు సమాచారం.
ఎర్రచందనం అక్రమ రవాణా నేపథ్యంలో సాగే కథ ఇది. అల్లు అర్జున్ మాస్‌ పాత్రలో, పుష్పరాజ్‌ అనే యువకుడిగా కనిపించనున్నారు. పాన్ ఇండియా స్థాయిలో రూపొందబోతున్న ఈ చిత్రంలో బన్నీ సరసన రష్మిక నటించనున్నారు. ఈ సినిమా కోసం చిత్తూరు యాసలో వీరిద్దరూ తర్ఫీదు పొందారు. దేవీ శ్రీ ప్రసాద్ సంగీత దర్శకత్వం వహిస్తున్నారు. మైత్రి మూవీ మేకర్స్ సంస్థ నిర్మిస్తోంది.
ఇదీ చూడండి:అల్లు అర్జున్‌కి తొమ్మిది మంది విలన్లా..?
