'హీరోపంతి'తో బాలీవుడ్లోకి అడుగుపెట్టిన టైగర్ష్రాఫ్.. తనకంటూ ప్రత్యేక గుర్తింపు తెచ్చుకున్నారు. నటనతో పాటు, డ్యాన్స్, ఫైట్స్తో అభిమానులను ఫిదా చేశారు. ఈ మధ్యే 'అన్బిలీవబుల్' వీడియో సాంగ్తో గాయకుడిగానూ తన ప్రతిభ చూపించారు. విడుదలైన 24 గంటల్లోనే అన్ని మాధ్యమాల్లో కలిపి 140 మిలియన్ల వ్యూస్ సొంతం చేసుకుంది. దీనిపై స్పందించిన టైగర్.. తనను ఎంతో ఆదరించిన అభిమానులకు కృతజ్ఞతలు చెప్పారు.
- " class="align-text-top noRightClick twitterSection" data="
">
" కొత్తదనాన్ని స్వాగతించి, ప్రేక్షకులు ఎంతో ప్రేమ కురిపించడం నిజంగా 'అన్బిలీవబుల్'. నేను ఎప్పటికీ కోరుకునేది ఇదే. ఈ ప్రయత్నానికి అద్భుత ప్రతిఫలం దొరికినట్లు అనిపించింది. ప్రజల్లో దాగున్న ప్రతిభను వెలికితీయడానికి వారిని ప్రోత్సహించేందుకు నేను చిన్న ప్రయత్నం చేశాను"
టైగర్ ష్రాఫ్, సినీ నటుడు
'అన్బిలీవబుల్' గీతం విడుదలైన కొన్ని గంటల్లోనే పలు ఘనతలు సాధించింది. ఇన్స్టాలో 20 మిలియన్ల వీక్షణలు సొంతం చేసుకోగా.. ట్విట్టర్లో 64 మిలియన్ల వ్యూస్కు చేరుకుంది. మరోవైపు విడుదలైన రోజు యూట్యూబ్ ట్రెండింగ్లో నాలుగో స్థానంలో నిలిచింది.
