రమేశ్ దర్శకత్వంలో హీరోయిన్ అనుష్క-యువ నటుడు నవీన్ పొలిశెట్టి ఓ సినిమా చేయనున్నారని కొంతకాలంగా జోరుగా ప్రచారం సాగుతోంది. యూవీ క్రియేషన్స్ బ్యానర్లో ఈ చిత్రం రూపొందనుందని వార్తలు వస్తున్నాయి. తాజాగా ఈ సినిమాకు సంబంధించిన మరో వార్త సినీ వర్గాల్లో చక్కర్లు కొడుతోంది.
రొమాంటిక్ ప్రేమ కథాంశంతో ఈ చిత్రం తెరకెక్కనుందట. 40ఏళ్ల మహిళ పాత్రలో అనుష్క, 20ఏళ్ల కుర్రాడిలా నవీన్ కనిపించనున్నాడని సమాచారం. వయసులో దాదాపు 20 సంవత్సరాలు వ్యత్యాసమున్న వీరిద్దరి మధ్య ప్రేమ పుట్టడం.. వాళ్లు ఎదుర్కొనే పరిణామాలు ఏంటి? అనేది ఈ సినిమాలో చూపించనున్నారని తెలిసింది. మరి ఇది నిజమో కాదో తెలియాలంటే కొంతకాలం వేచి ఉండాల్సిందే.
ఇదీ చూడండి: 'అరణ్య' హిందీ వెర్షన్ విడుదల వాయిదా
