బాలీవుడ్ హీరో అభిషేక్ బచ్చన్, ఇలియానా కలిసి నటిస్తున్న చిత్రం 'ది బిగ్ బుల్'. కూకీ గులాటి దర్శకత్వంలో తెరకెక్కుతుంది. 1980-1990 కాలంలో స్టాక్ బ్రోకర్ హర్షద్ మెహతా పాల్పడిన ఆర్థిక నేరాల ఆధారంగా చిత్రం రూపొందించారు. చిత్రాన్ని ఏప్రిల్ 8న డిస్నీ+హాట్ స్టార్‌లో విడుదల చేయనున్నారు. ఈ నేపథ్యంలో చిత్ర ట్రైలర్ను శుక్రవారం విడుదల చేశారు. ఇటీవలే రిలీజ్ అయిన టీజర్కు ప్రేక్షకుల నుంచి విశేష స్పందన వస్తోంది.
అజయ్‌ దేవగణ్‌ ఫిల్మ్స్, ఆనంద్‌ పండిట్‌ మోషన్‌ పిక్చర్స్ కలిసి సంయుక్తంగా నిర్మించారు. సెప్టెంబర్ 16, 2019న ప్రారంభమైన ఈ చిత్రం షూటింగ్‌ కోవిడ్‌ కారణంగా వాయిదా పడింది. ఇందులో నికితా దత్తా, వరుణ్‌ శర్మ, చుంకీ పాండే, లేఖ ప్రజాపతి, కుముద్‌ మిశ్రా తదితరులు నటిస్తున్నారు.
- " class="align-text-top noRightClick twitterSection" data="">
ఇదీ చూడండి: చందమామ లాంటి అమ్మాయి సన్నబడిందెలా?
