బాలీవుడ్ సినిమా 'మిషన్ మంగళ్' ప్రచార కార్యక్రమాల్లో బిజీగా ఉంది హీరోయిన్ తాప్సీ. విభిన్న బయోపిక్లతో ఇప్పటికే మంచి పేరు తెచ్చుకున్న ఈ కథానాయిక... దివంగత భాజపా నాయకురాలు సుష్మా స్వరాజ్ జీవిత చరిత్రలోనూ నటించాలని ఉందని చెప్పింది. విదేశాంగ శాఖ మాజీ మంత్రి మృతికి సంతాపం తెలిపిన తాప్సీ... ఆమెకు సంబంధించిన అంశంపై మాట్లాడింది.
"సుష్మాజీ అంటే నాకు చాలా ఇష్టమే కాదు విపరీతమైన గౌరవం. అలాంటి వ్యక్తి బయోపిక్ తీస్తే కచ్చితంగా అందులో నటించేందుకు సిద్ధంగా ఉన్నా. స్త్రీ అంటే ఆమెలాగ ఉండాలి. అందుకే అలాంటి గొప్ప రాజకీయ నాయకురాలి పాత్రను ఎవరూ వదులుకోరు. భారతీయ కట్టుబొట్టుకు నిలువెత్తు నిదర్శనం సుష్మ. ఆ లెజెండరీ నాయకురాలి జీవితంపై సినిమా తీయాలనుకునే నిర్మాతలకు ఎప్పుడూ అందుబాటులోనే ఉంటా." -తాప్సీ, సినీ నటి.
అక్షయ్‌కుమార్‌ ప్రధాన పాత్రలో నటించిన చిత్రం 'మిషన్ మంగళ్.' ప్రఖ్యాత రాకేశ్ ధావన్ జీవితం ఆధారంగా ఈ సినిమా తెరకెక్కింది. తాప్సీ, విద్యాబాలన్‌, సోనాక్షి సిన్హా, నిత్యా మేనన్‌.. శాస్త్రవేత్తల పాత్రల్లో నటించారు. జగన్‌ శక్తి దర్శకుడు. అమిత్‌ త్రివేది సంగీతం సమకూర్చాడు. ఈ నెల 15న ప్రేక్షకుల ముందుకు రానుందీ చిత్రం.
ఇది చదవండి: శక్తిమంతమైన మహిళకు సినీ లోకం అశ్రు నివాళి
- " class="align-text-top noRightClick twitterSection" data="">
