తొలి సినిమా 'ఝుమ్మంది నాదం'తో కుర్రాళ్ల మనసుల్ని కట్టిపడేసింది... తరువాత వరుసగా అగ్ర కథానాయకులతో నటించి మెప్పించింది... ప్రస్తుతం బాలీవుడ్లో బిజీ బిజీగా మారిన నటి 'తాప్సీ పన్ను'. ఇప్పుడు మరోసారి 'గేమ్ ఓవర్' అనే చిత్రంలో తెలుగు ప్రేక్షకుల ముందుకు వచ్చింది. ఈ సినిమా విషయాలతో పాటు మరికొన్ని విశేషాలు తాప్సీ మాటల్లోనే...
ప్ర: గేమ్ ఓవర్ సినిమా కథ ఏంటి? ఈ సినిమా ఒప్పుకోవడానికి కారణం?
జ: మొట్టమొదటి సారి భారతీయ సినిమాలో ఇలాంటి కథ నేను విన్నాను. అంతర్జాతీయ ప్రమాణాలు ఉన్న సినిమా ఇది. నా పాత్రతో పాటు కథ, కథనం కూడా నాకు బాగా నచ్చాయి. ఇది ఒక ప్రాంతీయ సినిమాలా ఉండదు. ట్రైలర్ చూసిన వారంతా ఈ సినిమా దేశ వ్యాప్తంగా విడుదల అవ్వాలి అంటున్నారు.
- " class="align-text-top noRightClick twitterSection" data="">
ప్ర: ఈ సినిమాలో చక్రాల కుర్చీలో కూర్చొని నటించారు కదా ఎలా ఉంది..?
జ: అవునండీ.. నా జీవితంలో ఇప్పటివరకూ ఎలాంటి ఫ్రాక్చర్ జరగలేదు.. రెండు కాళ్లు ఫ్రాక్చర్ అయి వీల్ ఛైర్ లో కూర్చోవడం.. నా జీవితంలో ఎప్పుడూ అలాంటి అనుభవం లేదు.
ప్ర: చిత్రంలో మీ పాత్ర ఎలా ఉంటుంది?
జ: షూటింగ్ లో చాలా భాగం నేను వీల్ ఛైర్ లోనే ఉంటాను. ఫిజికల్లీ అండ్ మెంటల్లీ చాలా డిమాండ్ ఉన్న రోల్ ఇది. ప్రమాదం జరిగిన ఒక సంవత్సరానికి.. మళ్లీ యానివర్సిరీ రియాక్షన్ మొదలయ్యే ఒక ట్రోమా సమస్యతో బాధపడే పాత్ర. ఆ యాక్సిడెంట్ ఏంటో మీరు సినిమాలో చూడాల్సిందే.
ప్ర: ఏ భాషలో అయినా సినిమాను మీ భుజాలపై వేసుకుంటున్నారు.. ఎలా మోస్తున్నారు? అది ఆత్మవిశ్వాసం అనుకోవచ్చా..?
జ: (నవ్వుతూ) నిజానికి వేరే దారి దొరకలేదు. ఇలాంటి కథలే దొరికాయి కాబట్టి.. నేనే నా భుజాలపై మోయాల్సి వస్తుంది. నాకూ ఈ కథలు నచ్చాయి. మా దర్శకులు కూడా చాలా తెలివైనవాళ్లు.. వాళ్లే నాకు హీరోలు.
ప్ర: మీరు నిజ జీవితంలో వీడియో గేమ్స్ ఆడతారా?
జ: ఆడేదాన్ని.. స్కూల్, కాలేజ్ రోజుల్లో ఉన్నప్పుడు మేరియో, బ్యాట్మ్యాన్, కాంట్రా ఆడేదాన్ని.. ఆ తరువాత ఆడలేదు.
ప్ర: 'బద్లా' సినిమా 100 కోట్లు పైగా వసూలు చేసింది.. మీరు ప్రేక్షకుల్లో అంచనాలు పెంచేశారని అనుకోవడంలేదా?
జ: అవును.. నా నుండి మంచి సినిమాలు రావాలని ప్రేక్షకులు కోరుకోవాలనుకుంటాను. అంచనాలు లేకుంటే కిక్ ఏముంటుంది. 100 కోట్లు వసూలు చేస్తుందా? అంటే ఏం చెప్తాం. నా సినిమా అంత వసూలు చేయాలని ప్రయత్నిస్తా.. కానీ 'బద్లా' పెద్ద సర్ప్రైజ్ అందరికీ.. ఇంత కలెక్ట్ చేస్తుందని అనుకోలేదు.
ప్ర: ఈ సినిమాలో సింగిల్ క్యారెక్టర్ కదా.. ఒక్క పాత్రతో ప్రేక్షకులను ఎంగేజ్ చేయడం ఛాలెంజింగ్ గా అనిపించడం లేదా?
జ: ఒక యాక్టర్కు ఇది నిజంగా పరీక్ష లాంటిది. 2 గంటల పాటు నన్నే చూడాలి ఈ సినిమాలో మీరు.. మీకు వేరే దారి లేదు. ఇది నాకూ టెస్ట్ లాంటిదే.
ప్ర: ప్రస్తుతం చేస్తోన్న సినిమాలు ఏంటి..?
జ: తమిళ్లో ఒక సినిమా ఫైనల్ అయింది. 'గేమ్ ఓవర్' విడుదలయ్యాక ఆ సినిమా ప్రారంభం అవుతుంది. తెలుగులో రెండు మూడు కథలు విన్నా ఇంకా తేల్చుకోలేదు. కానీ సంవత్సరానికి ఒక సినిమా మాత్రం పక్కా తీస్తా.
ప్ర: పెళ్లి చేసుకునే ప్లాన్స్ ఇప్పుడేమైనా ఉన్నాయా?
జ: ఇప్పుడైతే లేవండి.. ఒక ఫ్యామిలీ స్టార్ట్ చేయాలన్న నిర్ణయానికి వచ్చినప్పుడే పెళ్లి చేసుకుంటాను.
- ఇదీ చూడండి: అమ్మాయి నో చెప్పిందని ఆమిర్ ఏం చేశాడంటే..!
