తమన్నా కెరీర్లో చేసిన అతి పెద్ద సినిమాలు 'బాహుబలి', 'సైరా'. వీటిలో 'సైరా' కంటే 'బాహుబలి' చిత్రమే భారీ చిత్రం. కానీ తమన్నాకు మంచి పేరు తీసుకొచ్చింది మాత్రం 'సైరా'నే. 'బాహుబలి'లో తమన్నా సెకండ్ హీరోయిన్గా రెండు భాగాల్లో కనిపించినా ఆమె పాత్ర నిడివి తక్కువ కావడం.. అంతగా ఆకట్టుకోలేకపోవడం వల్ల అనుష్క పాత్రకు వచ్చినంత గుర్తింపు మిల్కీ బ్యూటీకి రాలేదు.
'సైరా'లో మాత్రం తమన్నాకు మంచి మార్కులే పడ్డాయి. మిల్కీ బ్యూటీకీ, చిరుకు మధ్యన ప్రేమాయణం.. హీరో ఆశయాల కోసం ఆమె చేసే ప్రాణ త్యాగం, పాత్రలో నటించడానికి ఎక్కువ స్కోప్ ఉండటం.. ఇవన్నీ కలిసి తమన్నాకు కెరీర్లోనే ది బెస్ట్గా లక్ష్మీ పాత్ర నిలిచిపోయింది.
సినిమాలో చిరు తర్వాత అంత మంచి పాత్ర తమన్నాదే అంటున్నారు ప్రేక్షకులు. దర్శకేంద్రుడు రాఘవేంద్రరావు అంతటి వ్యక్తే ప్రత్యేకంగా ఆమెను పొగిడారు. మొత్తానికి మిల్కీ బ్యూటీ 'బాహుబలి'తో కొంచెం నిరుత్సాహపడినా 'సైరా'తో అంతకు పదింతల ఫలితాన్ని అందుకుంది.
ఇవీ చూడండి.. మిల్కీబ్యూటీకి మెగా కోడలి ఖరీదైన కానుక
