బాలీవుడ్ నటుడు సంజయ్దత్కు ఊపిరితిత్తుల క్యాన్సర్ ఉన్నట్లు ఇటీవలే బయటపడింది. చికిత్స తీసుకునేందుకు సినిమాలకు తాత్కాలిక విరామం ప్రకటించారు. ప్రస్తుతం ఈయన ఆరు సినిమాల్లో నటిస్తున్నారు. వీటిలో కొన్ని డబ్బింగ్ వరకు రాగా, మరికొన్ని షూటింగ్ దశలో ఉన్నాయి. లాక్డౌన్ కారణంగా వాటి చిత్రీకరణ మరింత ఆలస్యం కానుంది. దీంతోపాటే సంజయ్ కొన్నిరోజుల విరామం తీసుకోనుండటం వల్ల వాటిని పూర్తి చేసేందుకు మరిన్ని రోజులు సమయం పట్టనుంది.
- " class="align-text-top noRightClick twitterSection" data="
">
1) సడక్ 2
'సడక్ 2' టీజర్ ఇటీవలే విడుదలైంది. యూట్యూబ్లో అత్యధిక డిస్లైక్స్ పొందిన మూడో వీడియోగా చెత్త రికార్డు మూటగట్టుకుంది. అయితే ఈ సినిమా కోసం సంజయ్దత్ అభిమానులు ఎంతో ఆసక్తిగా ఎదురుచూస్తున్నారు. ఇందులో దర్శకుడు మహేశ్భట్ కుమార్తెలు పూజా, ఆలియా భట్లతో పాటు ఆదిత్య రాయ్ కపూర్ ప్రధాన పాత్రల్లో కనిపించనున్నారు.
ఈ చిత్రానికి కొంత డబ్బింగ్ మినహా షూటింగ్ మొత్తం పూర్తయింది. క్యాన్సర్ చికిత్సకు వెళ్లే ముందే దీని డబ్బింగ్ పూర్తి చేయాలని సంజయ్ భావిస్తున్నారు. ఇది ఆగస్టు 28న ఓటీటీ ద్వారా ప్రేక్షకుల ముందుకు రానుంది.
2) షంషేరా
ఈ సినిమాలో సంజయ్కు సంబంధించిన సన్నివేశాలు ఇంకా చిత్రీకరించలేదు. ఆయన ఆరోగ్యం మెరుగైన తర్వాతే తిరిగి షూటింగ్ మొదలుపెట్టాలని చిత్రబృందం అనుకుంటోంది. కరణ్ మల్హోత్రా దర్శకుడు. యశ్రాజ్ ఫిల్మ్స్ నిర్మిస్తోంది. రణ్బీర్ కపూర్, వాణీ కపూర్లు హీరోహీరోయిన్లు.
- " class="align-text-top noRightClick twitterSection" data="
">
3) భుజ్: ది ప్రైడ్ ఆఫ్ ఇండియా
పీరియాడికల్ డ్రామా అయిన ఈ సినిమాలో అజయ్ దేవగణ్తో సంజయ్ నటిస్తున్నారు. 1971లో భారత్-పాక్ యుద్ధంలో పాల్గొన్న భారత వైమానికి దళ పైలట్ విజయ్ కార్నక్, గుజరాత్ కచ్ జిల్లాలోని మాధపార్ గ్రామానికి చెందిన 300 మంది మహిళల కథను ఇందులో చూపించనున్నారు.
ఈ చిత్రంలోని కొన్ని సన్నివేశాలు మినహా మిగిలిన చిత్రీకరణ అంతా పూర్తయిందని తెలుస్తోంది. వాటిని త్వరలోనే పూర్తి చేయనున్నారని సమాచారం. అభిషేక్ దుదియా దర్శకత్వం వహిస్తుండగా సోనాక్షి సిన్హా, నోరా ఫతేహి, శరద్ కేల్కర్ ప్రధానపాత్రలు పోషిస్తున్నారు.
- " class="align-text-top noRightClick twitterSection" data="
">
4) కేజీఎఫ్ 2
కన్నడ స్టార్ హీరో యశ్ నటిస్తున్న చిత్రం 'కేజీఎఫ్ 2'. షూటింగ్ చివరి దశలో ఉంది. ఇందులో ప్రతినాయకుడి అధీరాగా కనిపించనున్నారు సంజయ్ దత్. ఈ ఏడాది అక్టోబరు 23న రావాల్సింది కానీ లాక్డౌన్ కారణంగా అది కాస్త వాయిదా పడింది.
సంజయ్పై తీయాల్సిన కొన్ని సన్నివేశాలు, డబ్బింగ్ మినహా షూటింగ్ అంతా పూర్తయినట్లు తెలుస్తోంది. శ్రీనిధి శెట్టి, రవీనా టాండన్, అనంత్ నాగ్లు కీలకపాత్రలు పోషిస్తుండగా, ప్రశాంత్ నీల్ దర్శకత్వం వహిస్తున్నారు.
5) పృథ్వీరాజ్
యశ్రాజ్ ఫిలింస్ ప్రతిష్ఠాత్మకంగా తీస్తున్న 'పృథ్వీరాజ్'లో అక్షయ్ కుమార్ కథానాయకుడు. సంయోగిత పాత్రలో మాజీ ప్రపంచ సుందరి మానుషి చిల్లర్ నటిస్తోంది. కీలక పాత్రలో సంజయ్దత్ కనిపించనున్నారు.
- " class="align-text-top noRightClick twitterSection" data="
">
6) తూర్భాజ్
'తూర్భాజ్' సినిమాలో సంజయ్ దత్ ఆర్మీ అధికారిగా కనిపించనున్నారు. త్వరలో ఓటీటీ వేదికగా ప్రేక్షకులను పలకరించనుంది. గిరీశ్ మాలిక్ దర్శకుడు. నర్గీస్ ఫక్రీ, రాహుల్ దేవ్ ప్రధాన పాత్రల్లో నటిస్తున్నారు.
