బాలీవుడ్లో ఈ ఏడాది విడుదలైన లేడి ఓరియెంటెడ్ మూవీస్ 'ఛపాక్', 'పంగా'. దీపికా పదుకొణె, కంగనా రనౌత్ నటించిన ఈ రెండు సినిమాలు బాక్సాఫీస్ వద్ద నిరాశపర్చాయి. కానీ తాప్సీ నటించిన 'తప్పడ్' మూవీ మంచి కలెక్షన్లు సాధించింది. అయితే తాజాగా ఈ విషయంపై స్పందించింది తాప్సీ.
"ఈ ఏడాది విడుదలైన లేడి ఓరియెంటెడ్ చిత్రాలు 'ఛపాక్', 'పంగా'లతో 'తప్పడ్' సినిమాను పోల్చటం సరికాదు. వాటి కలెక్షన్లతో పోల్చుకోవటం కానీ, అధిగమిస్తామని కానీ ఎప్పుడూ అనుకోలేదు. నా ప్రతి చిత్రం తర్వాత అగ్రకథానాయికను అయ్యానని అందరూ అంటుంటే భయమేసేది. ఒకసారి ఆ స్థానానికి చేరిన తర్వాత మళ్లీ కిందికి రాలేము. అందుకే వారి ప్రశంసలు ఎలా ఉన్నా.. వాటిని తలపైకి ఎక్కించుకోను."
- తాప్సీ, కథానాయిక
'తప్పడ్' సినిమాలోని తాప్సీ పోషించిన 'అమృత' పాత్ర ప్రతి వ్యక్తికి దగ్గరయ్యింది. దర్శకుడు అనుభవ్ సిన్హా చెప్పిన విధంగా చేశానని ఆమె చెప్పింది. ఈ చిత్రం ప్రేక్షకుల ప్రశంసలే కాకుండా.. ప్రతి సినీ విమర్శకుడి ప్రశంసలూ అందుకుంది.
తాప్సీ.. లాక్డౌన్ సమయంలో వంటగదిలో ఎక్కువ సమయం గడుపుతోంది. ప్రస్తుతం 'హసీనా దిల్రూబా' చిత్రంలో విక్రాంత్ మాసేతో కలిసి నటిస్తోంది.
ఇదీ చూడండి.. 23 వేల మందికి ఆర్థిక సాయం చేసిన సల్మాన్
