'జూలియాస్ ఐస్'(Julia's Eyes).. 2010లో విడుదలైన స్పానిష్ చిత్రం. హారర్ థ్రిల్లర్ జానర్లో తెరకెక్కిన ఈ చిత్రాన్ని ఇప్పుడు హిందీలో రీమేక్(Julia's Eyes Remake) చేస్తున్నారు. మాతృకలో దృష్టి లోపమున్న కవల సోదరిగా నటించిన బెలూన్ రైడా పాత్రలో తాప్సీ కనువిందు చేయనున్నారు.
బాలీవుడ్ నటుడు గులన్ దేవాయ్ ఇందులో మరో ముఖ్య పాత్రలో నటిస్తున్నారు. సెక్షన్ 375 తెరకెక్కించి విమర్శకుల ప్రశంసలందుకున్న అజయ్భాల్ ఈ చిత్రాన్ని తెరకెక్కిస్తున్నారు. మన దేశానికి తగ్గట్లు స్క్రిప్ట్ మార్పులు చేసినట్లు అజయ్ చెప్పుకొచ్చారు. నైనిటాల్లో జులై 20 నుంచి ఈ చిత్ర షూటింగ్ ప్రారంభం కానున్నట్లు తెలుస్తోంది.
'హసీన్ దిల్రూబా' సందడి..
లేడీ ఓరియెంటెడ్‌ సినిమాలతో జోరుమీదున్న హీరోయిన్ తాప్సీ.. ఇటీవలే 'హసీన్ దిల్రూబా'(Haseen Dillruba) చిత్రంతో ప్రేక్షకులను అలరించింది. జులై 2న నెట్ఫ్లిక్స్లో విడుదలైన చిత్రానికి పాజిటివ్ రెస్పాన్స్ వస్తుంది. రొమాంటిక్‌ క్రైమ్‌ థ్రిల్లర్‌గా రూపొందిన ఈ సినిమాలో తాప్సీకి జోడిగా విక్రాంత్‌ మాస్సే నటించారు. ఇందులో తెలుగు నటుడు హర్షవర్ధన్‌ రాణె కూడా ఓ కీలక పాత్ర పోషించారు. వినీల్‌ మాథ్యూ దర్శకత్వం వహించారు.
ఇదీ చూడండి.. రివ్యూ: 'హసీన్ దిల్రుబా' ఎలా ఉందంటే?
