తనతో కలిసి రొమాంటిక్ సీన్లు చేసేందుకు విక్రాంత్ మాస్సే, హర్షవర్ధన్ భయపడ్డారని హీరోయిన్ తాప్సీ చెప్పింది. తన కొత్త సినిమా 'హసీన్ దిల్రుబా' ప్రచారంలో భాగంగా ఈ ఆసక్తికర విషయాన్ని వెల్లడించింది. వినీల్ మ్యాథ్యూ దర్శకత్వం వహించిన ఈ డార్క్ కామెడీ థ్రిల్లర్ జులై 2న నెట్ఫ్లిక్స్ (Haseen Dillruba on Netflix)లో విడుదల కానుంది.
"హసీన్ దిల్రుబా షూటింగ్లో రొమాంటిక్ సీన్స్ చేసేందుకు సహనటులు విక్రాంత్ మాస్సే, హర్షవర్ధన్ రాణేలు చాలా భయపడ్డారు. కానీ, వారిద్దరూ సౌకర్యవంతంగా భావించేలా నేను చేశాను. బహుశా నా స్టార్డమ్ లేదా మరేదైనా కారణంతో వాళ్ల భయపడి ఉండొచ్చని అనుకుంటున్నాను"
- తాప్సీ, కథానాయిక
సినిమాలో అలాంటి(బోల్డ్) సన్నివేశాల్లో నటించాల్సి వస్తే మీ జీవిత భాగస్వామి దగ్గర అనుమతి తీసుకుంటారా? అని అడిగిన ప్రశ్నకు తాప్సీ సమాధానమిచ్చింది. "లేదు, సినిమాల్లో సన్నిహితంగా ఉండే సన్నివేశాల గురించి నా జీవిత భాగస్వామితో చెప్పను. వాటి గురించి పర్మిషన్ కూడా అడగకూడదనే అనుకుంటాను" అని చెప్పింది.
తాప్సీ.. 'హసీన్ దిల్రూబా' సినిమా విడుదలకు సిద్ధమవగా.. 'లూప్ లపేటా', 'రష్మీ రాకెట్', 'దుబారా', 'శభాష్ మిథూ' షూటింగ్ తుదిదశకు చేరుకున్నాయి.
విక్రాంత్ మాస్సే.. గతంలో నటించిన 'కార్గో', 'డాలీ కిట్టీ ఔర్ వో చమక్తే సితారే', 'గిన్నీ వెడ్స్ సన్నీ' చిత్రాల తర్వాత ప్రస్తుతం 'హసీన్ దిల్రూబా' సినిమా కూడా నెట్ఫ్లిక్స్ విడుదల కానుంది. హర్షవర్ధన్ చివరిగా 'తైష్' చిత్రంలో నటించారు.
ఇదీ చూడండి.. స్టార్ హీరో డ్రీమ్ హౌస్ కోసం రూ.150 కోట్లు!
