ఉయ్యాలవాడ నరసింహారెడ్డి జీవితాధారంగా చిరంజీవి కథానాయకుడిగా రూపొందిన చిత్రం 'సైరా నరసింహారెడ్డి'. సురేందర్‌ రెడ్డి దర్శకత్వం. నయనతార కథానాయిక. తమన్నాతో పాటు బాలీవుడ్‌ స్టార్‌ అమితాబ్‌ బచ్చన్‌, తమిళ నటుడు విజయ్ సేతుపతి కీలక పాత్రలు పోషించారు.
ఇప్పటికే విడుదలైన టీజర్‌ సినిమాపై అంచనాలు పెంచేసింది. అభిమానులంతా ఎప్పుడెప్పుడా అని ఎదురుచూస్తున్న ముందస్తు విడుదల తేదీని ఖరారు చేసింది చిత్ర బృందం. ఈ నెల 18న హైదరాబాద్లోని ఎల్‌.బి. స్టేడియంలో కార్యక్రమాన్ని నిర్వహించనున్నట్లు సోషల్‌ మీడియా వేదికగా అభిమానులతో పంచుకుంది. అదే వేడుకలో చిత్ర ట్రైలర్‌ను విడుదల చేయబోతున్నారు.
ఈ వేడుకకు పవన్ కల్యాణ్, ఎస్‌.ఎస్‌. రాజమౌళి, కొరటాల శివ, వి.వి. వినాయక్‌ ముఖ్య అతిథులుగా విచ్చేయనున్నారు. కొణిదెల ప్రొడక్షన్స్ కంపెనీ పతాకంపై నటుడు రామ్‌ చరణ్‌ నిర్మిస్తున్న ఈ చిత్రం అక్టోబరు 2న ప్రేక్షకుల ముందుకు రానుంది.
ఇవీ చూడండి.. 'నేనే నాకు దండం పెడతా దేవుడి లెక్కా'
