మద్యం సేవించి రియాపై సుశాంత్​ సోదరి వేధింపులు!

నటి రియా చక్రవర్తిని సుశాంత్​ సోదరి మద్యం సేవించి వేధించిందని ఆమె తరఫు న్యాయవాదులు పేర్కొన్నారు. ఆ విషయంపైనే తోబుట్టువులిద్దరి మధ్య వాగ్వాదం చెలరేగి.. దూరం ఏర్పడిందని వివరించారు.

బాలీవుడ్​ హీరో సుశాంత్​ సింగ్​ రాజ్​పుత్ ఆత్మహత్య కేసులో రోజుకో కోణం వెలుగులోకి వస్తోంది. ఇటీవలే సుశాంత్​ సోదరి ప్రియాంక మద్యం సేవించి తనను వేధించిందని.. అందువల్లే తోబుట్టువులిద్దరి మధ్య దూరం పెరిగిందని రియా ఆరోపించింది. తాజాగా ఆ సమయంలో జరిగిన సంఘటనపై రియా చక్రవర్తి న్యాయబృందం పూర్తి వివరణ ఇచ్చింది.