బాలీవుడ్ నటుడు సుశాంత్సింగ్ రాజ్పుత్ మరణంపై కలత చెంది బిహార్కు చెందిన ఓ 12 ఏళ్ల బాలుడు బలవన్మరణానికి పాల్పడ్డాడు. ఆ హీరో ఆత్మహత్య చేసుకున్న విధంగా ఈ బాలుడూ ఉరి వేసుకుని చనిపోయాడని పోలీసులు వెల్లడించారు.
పోలీసుల కథనం ప్రకారం.. వారం రోజులుగా సుశాంత్ మరణవార్తలను చూస్తూ ఆ బాలుడు టీవీకి అతుక్కుపోయాడని కుటుంబసభ్యులు తెలిపారు. దీంతో తీవ్రంగా కలత చెంది శనివారం తన గదిలో ఉరి వేసుకుని ఉంటాడని పోలీసులు వెల్లడించారు. కుటుంబసభ్యుల అభ్యర్థనతో పోస్టుమార్టం నిర్వహించలేదని అసిస్టెంట్ పోలీస్ సూపరిటెండెంట్ సర్వేస్ మిశ్రా స్పష్టం చేశారు.
"బాలుడు తాను ఆత్మహత్య చేసుకోవడానికి గల స్పష్టమైన కారణాలంటూ ఏవీ లేవు. సోషల్మీడియాలో వచ్చే వార్తల నుంచి పిల్లలను దూరంగా ఉంచాలని తల్లిదండ్రులను కోరుతున్నాం" అని సర్వేశ్ మిశ్రా తెలిపారు.
ఫ్యాన్స్ ఆత్మహత్యలు
సుశాంత్ మృతితో దిగ్భ్రాంతి చెందిన కొంతమంది ఆయన అభిమానులు ఆత్మహత్యలకు పాల్పడ్డారు. బరౌలీకి చెందిన పదవ తరగతి విద్యార్థి, ఒడిశాలో ఓ యువతి, అదే విధంగా అండమాన్ నికోబార్ దీవుల్లో ఓ యువకుడు బలవన్మరణానికి పాల్పడ్డట్లు పోలీసుల ప్రాథమిక దర్యాప్తులో తేలింది.
