ఈ ఏడాది టాప్ సెర్చ్​డ్ సెలబ్రిటీస్​గా సుశాంత్, రియా​

ఈ ఏడాది భారత ప్రజలు అంతర్జాలంలో ఎక్కువగా శోధించిన ప్రముఖుల పేర్లను యాహూ సెర్చ్​ ఇంజిన్​ సంస్థ మంగళవారం ప్రకటించింది. దివంగత నటుడు సుశాంత్​ సింగ్​ రాజ్​పుత్​ గురించి తెలుసుకోవడానికి ప్రజలు ఎక్కువగా ఆసక్తి చూపారని తెలిపింది. ఇందులో సుశాంత్​తో పాటు దివంగత సినీప్రముఖులైన ఇర్ఫాన్​ ఖాన్​, రిషి కపూర్​, ఎస్పీ బాలసుబ్రహ్మణ్యం వంటి వారు ఈ జాబితాలో ఉన్నారని వెల్లడించింది.

భారత్​లో ఈ ఏడాది అంతర్జాలంలో అత్యధికంగా వెతికిన పేర్లను, కార్యక్రమాల జాబితాను ప్రముఖ సెర్చ్ ఇంజిన్ సంస్థ యాహూ మంగళవారం వెల్లడించింది. దివంగత నటుడు సుశాంత్​ సింగ్​ రాజ్​పుత్​ పేరును నెటిజన్లు ఎక్కువగా సెర్చ్​ చేశారని పేర్కొంది. నటీనటుల వ్యక్తిగత జీవితం గురించి తెలుసుకోవడానికి ప్రజలు ఎక్కువగా ఆసక్తి చూపుతున్నారని ఆ జాబితా తెలియజేస్తోంది. జూన్​లో ఆత్మహత్యకు పాల్పడిన సుశాంత్​ పేరు ఎక్కువగా ట్రెండ్​ అయ్యిందని యాహూ సర్వే తెలిపింది. ​

భారత్​లో అత్యధికంగా నెట్టింట శోధించిన పురుష సెలబ్రిటీ సుశాంత్​ అని.. మహిళల్లో నటి రియా చక్రవర్తి గురించి తెలుసుకోవడానికి ప్రజలు ఎక్కువగా ఆసక్తి చూపారని యాహూ వెల్లడించింది.

"2020లో సుశాంత్​ రాజ్​పుత్​ గురించి ప్రజలు ఎక్కువగా సెర్చ్​ చేయడం వల్ల.. భారత్​లో 'అత్యంత శోధించిన వ్యక్తి'గా దివంగత నటుడు సుశాంత్​ నిలిచాడు. సుశాంత్​ రాజ్​పుత్​, ఇర్ఫాన్​ ఖాన్​, రిషి కపూర్​, ఎస్పీ బాలసుబ్రహ్మణ్యంలు ఈ ఏడాది ఎక్కువగా శోధించిన టాప్​-10లోని దివంగత ప్రముఖులైతే.. ఆ జాబితాలో సుశాంత్​ తొలిస్థానంలో ఉన్నాడు. ఆ తర్వాత అమితాబ్​ బచ్చన్​, అక్షయ్​ కుమార్​, సల్మాన్​ ఖాన్​ వంటి వారు ఆ జాబితాలో ఉన్నారు" అని యాహూ సంస్థ వెల్లడించింది.

2020లో ఎక్కువగా శోధించిన ప్రముఖులు (పురుషులు):

1. సుశాంత్​ సింగ్​ రాజ్​పుత్​
2. అమితాబ్​ బచ్చన్​
3. అక్షయ్​ కుమార్​
4. సల్మాన్​ ఖాన్​
5. ఇర్ఫాన్​ ఖాన్​
6. రిషి కపూర్​
7. ఎస్పీ బాలసుబ్రహ్మణ్యం
8. సోనూసూద్​
9. అనురాగ్​ కశ్యప్​
10. అల్లుఅర్జున్​

2020లో ఎక్కువగా శోధించిన ప్రముఖులు (మహిళలు):

1. రియా చక్రవర్తి
2. కంగనా రనౌత్​
3. దీపికా పదుకొణె
4. సన్నీ లియోనీ
5. ప్రియాంకా చోప్రా
6. కత్రినా కైఫ్​
7. నేహా కక్కర్​
8. కనికా కపూర్​
9. కరీనా కపూర్​
10. సారా అలీఖాన్​

ఇదీ చూడండి: సుశాంత్ ఆఖరి సందేశం అదేనా?