కోలీవుడ్ స్టార్ హీరో సూర్య అంటే టీమ్ఇండియా మాజీ క్రికెటర్ సురేశ్ రైనా(చెన్నై సూపర్ కింగ్స్)కు ఎంత అభిమానమో ప్రత్యేకంగా చెప్పనక్కర్లేదు. పలు సందర్భాల్లో ఈ కథానాయకుడిపై తనకున్న అభిమానాన్ని చాటుకున్నాడు. ఇటీవల ఇన్స్టా లైవ్లో పాల్గొన్న రైనా.. తన బయోపిక్ను హీరో సూర్యతో(Tamil Star Surya) తీస్తే బాగుంటుందని మనసులో మాటను బయటపెట్టాడు.
రైనా ఆత్మకథ.. 'బిలీవ్‌: వాట్‌ లైఫ్‌ అండ్‌ క్రికెట్‌ టాట్‌ మి' (నమ్మకం: జీవితం, క్రికెట్‌ నాకేం బోధించిందంటే) పుస్తక రూపంలో ఇటీవల విడుదలైంది. దీని ప్రచారంలో భాగంగా రైనా ఇన్స్టా లైవ్ సెషన్స్లో తరచుగా పాల్గొంటున్నాడు. ఈ సందర్భంగానే తన బయోపిక్ గురించి మాట్లాడాడు.
"దేశానికి లేదా చెన్నై సూపర్కింగ్స్కు ఆడటం అంత తేలికైనా విషయం కాదు. ఆ ఎమోషన్ను కళ్లకు కట్టేలా చూపించగలిగే నటుడు నా బయోపిక్లో నటించాలి. అది దక్షిణాది నటులైతే బాగా చేయగలరు. ఎందుకంటే చెన్నై, సీఎస్కే నాకు ఎంత ఇష్టమో వాళ్లు అర్థం చేసుకోగలరు. నా మనసులో రెండు మూడు పేర్లు ఉన్నాయి. సూర్య చేయాలని భావిస్తున్నాను. అతడు తప్పనిసరిగా నటిస్తాడని అనుకుంటున్నాను. దుల్కర్ సల్మాన్ కూడా బాగా నటించగలడు."
-సురేశ్ రైనా(SureshRaina), టీమ్ఇండియా మాజీ క్రికెటర్.
గతేడాది రిటైర్మెంట్ ప్రకటించిన రైనా.. టీమ్ఇండియా తరఫున 18టెస్టులు(768 పరుగులు, 13వికెట్లు), 226వన్డేలు(5615, 36), 78టీ20(1604,13) ఆడాడు. ఐపీఎల్లో ప్రస్తుతం చెన్నై సూపర్కిింగ్స్కు ఆడుతున్నాడు.
ఇదీ చూడండి: Raina: లక్ష్యాలను ఛేదించడం ఛాపెల్ నేర్పారు!
