వైష్ణవ్‌ తేజ్‌ హీరోగా పరిచయమైన చిత్రం ఉప్పెన. ఈ సినిమాకు క్రియేటివ్‌ డైరెక్టర్‌ సుకుమార్ శిష్యుడు సానా బుచ్చిబాబు దర్శకత్వం వహించారు. ఈ నెల 12న విడుదలైన ఈ చిత్రం హిట్ టాక్‌తో దూసుకెళ్తోంది.
- " class="align-text-top noRightClick twitterSection" data="">
ఈ నేపథ్యంలో తన ప్రియ శిష్యుడి తొలి సినిమా సూపర్ డూపర్‌ హిట్ కావడంపై సుకుమార్ హర్షం వ్యక్తం చేశారు. తన పేరును నిలబెట్టినందకు గర్వంగా ఉందంటూ ఓ భావోద్వేగ కవిత రాసి సోషల్‌ మీడియాలో పోస్ట్ చేశారు. "నువ్వు నన్ను గురువు చేసేసరికి.. నాకు నేను శిష్యుడినై పోయాను. ఇంత గొప్ప సినిమా తీయడానికి, నువ్వు నా దగ్గర ఏం నేర్చుకున్నావా..?? అని.. నాకు నేను శిష్యుడ్ని అయిపోతే తప్ప అదేంటో తెలుసుకోలేను.. నాలోకి నన్ను అన్వేషించుకునేలా చేసిన సా'నా'బుచ్చిబాబును ఉప్పెనంత ప్రేమతో అభినందిస్తూ.. ఇట్లు సుకుమార్ ఇంకో శిష్యుడు" అని బుచ్చిబాబు తన భుజంపై ఒరిగి ఉన్న ఫొటోను ఇన్స్టాలో పోస్ట్ చేశారు.
ఈ సినిమాలో వైష్ణవ్‌కు జోడీగా కృతి శెట్టి నటించగా.. తమిళ స్టార్ హీరో విజయ్ సేతుపతి విలన్గా నటించారు.
- " class="align-text-top noRightClick twitterSection" data="
">
ఇదీ చూడండి: 'బాహుబలి'తో పాటు ఆ ఆరు సినిమాల సరసన 'ఉప్పెన'
