స్టైలిష్స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్లో తెరకెక్కుతోన్న చిత్రం 'పుష్ప'. ఎర్ర చందనం స్మగ్లింగ్ నేపథ్యంలో జరిగే కథతో రూపొందుతోంది. ఇప్పటికే కేరళలోని అడవుల్లో తొలి షెడ్యూల్ పూర్తి చేయగా.. లాక్డౌన్ కారణంగా చిత్రీకరణను నిలిపేశారు. ఇటీవలే తెలంగాణ ప్రభుత్వం షూటింగ్లకు అనుమతి ఇచ్చిన కారణంగా జులై మొదటి వారం నుంచి చిత్రీకరణ ప్రారంభించాలని యూనిట్ భావిస్తోందట.
హైదరాబాద్లోని రామోజీ ఫిలింసిటీలో ఓ పాటను హీరో, హీరోయిన్లతో చిత్రీకరించనున్నారని సమాచారం. అయితే కేరళలోని అడవుల్లో మిగిలిన సన్నివేశాలను తెరకెక్కించాల్సి ఉండగా.. అక్కడి వాతావరణం అనుకూలించకపోవడం వల్ల తెలంగాణ, ఆంధ్రప్రదేశ్ అడవుల్లో షూటింగ్ చేయాలని ఇటీవలే చిత్రబృందం నిశ్చయించినట్లు సమాచారం.
'పుష్ప'.. బన్నీ, సుకుమార్ల హ్యాట్రిక్ చిత్రం కావడం వల్ల ప్రేక్షకుల్లో భారీ అంచనాలు నెలకొన్నాయి. ఇందులో రష్మిక హీరోయిన్. దేవిశ్రీ ప్రసాద్ సంగీతమందిస్తున్నారు. మైత్రీ మూవీ మేకర్స్ నిర్మిస్తోంది. ఇప్పటికే వచ్చిన ఫస్ట్లుక్ ఆకట్టుకుంటోంది.
ఇదీ చూడండి... ఆ అడవుల్లో బన్నీ 'పుష్ప' షూటింగ్!
