కరోనా దెబ్బకు మరో భారీ బడ్జెట్ సినిమా విడుదల వాయిదా పడే అవకాశాలు ఎక్కువగా కనిపిస్తున్నాయి. అదే 'ఆర్ఆర్ఆర్'. ఈ చిత్ర షూటింగ్ చివరి దశలో ఉంది. ఈ సమయంలో కరోనా సెకండ్ వేవ్ ప్రభావం వల్ల చిత్రీకరణ ఆగిపోయింది. మళ్లీ ఎప్పుడు మొదలవుతుందనే దానిపై ఇంకా క్లారిటీ లేదు.
దీంతో అనుకున్న సమయానికి షూటింగ్ పూర్తి కాకపోవచ్చని, చెప్పిన తేదీకి థియేటర్లలోకి సినిమా రాకపోవచ్చని అనుకుంటున్నారు. ఒకవేళ ఇదే జరిగితే అక్టోబరు 13 నుంచి సంక్రాంతికి విడుదల తేదీ మారే అవకాశముంది.
కల్పిత కథతో తెరకెక్కుతున్న ఈ సినిమాలో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్గా నటిస్తున్నారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, శ్రియ, సముద్రఖని తదితరులు కీలక పాత్రలు పోషిస్తున్నారు. కీరవాణి సంగీత దర్శకుడు. రాజమౌళి దర్శకుడు. డీవీవీ దానయ్య, రూ.450 కోట్లతో 'ఆర్ఆర్ఆర్'ను నిర్మిస్తున్నారు.
