టాలీవుడ్లో 'ఢీ' చిత్రానికి ఉన్న ప్రత్యేకత వేరు. కామెడీ ప్రధానంగా తీసిన ఈ చిత్రం.. 2007లో ప్రేక్షకుల ముందుకొచ్చి, బ్లాక్బస్టర్గా నిలిచింది. అప్పటి నుంచి దీనికి సీక్వెల్ తీయాలని చాలాసార్లు అనుకున్నారు. కానీ కుదరలేదు. ఎట్టకేలకు అందుకు సంబంధించిన స్క్రిప్ట్ వర్క్ ప్రస్తుతం జరుగుతుందని, త్వరలో అధికారిక ప్రకటన రానుందని సమాచారం.
ఇటీవలే ఓ ఇంటర్వ్యూలో మాట్లాడిన హీరో విష్ణు.. సీక్వెల్ గురించి స్పష్టం చేశాడు. దర్శకుడు శ్రీనువైట్ల.. రెండో భాగానికి సంబంధించిన స్క్రిప్ట్ సిద్ధం చేస్తున్నారని అన్నాడు. ఈ ఏడాది ద్వితియార్థంలో అధికారిక ప్రకటన వచ్చే అవకాశముందని తెలుస్తోంది.
గత కొన్నేళ్ల నుంచి శ్రీను వైట్ల, విష్ణులకు సరైన హిట్ లేదు. ఈ సీక్వెల్తో ఎలాగైనా సరే మళ్లీ సక్సెస్ ట్రాక్ ఎక్కాలని అనుకుంటున్నారు. మరి వీరిని విజయం వరిస్తుందో లేదో వేచి చూడాల్సిందే.
- " class="align-text-top noRightClick twitterSection" data="">
