కరోనా కష్టకాలంలో సాయం అన్నవారికి అండగా నిలిచి రియల్ హీరోగా గుర్తింపు పొందారు సోనూసూద్. ఇటీవల కొవిడ్ రెండో దశలో ఆక్సిజన్ కాన్సంట్రేటర్స్తో పాటు పలువురు పేదలకు ఆర్థిక సాయం చేశారు. ముంబయిలో ఉన్నా తెలుగు రాష్ట్రాల్లోనూ సేవా కార్యక్రమాలు నిర్వహించారు.
అయితే ప్రస్తుతం సోనూసూద్ హైదరాబాద్లో ఓ ఖరీదైన భవనాన్ని కొనుగోలు చేశారట. ఇక్కడే ఉంటూ తెలుగు రాష్ట్రాల్లో తన సేవా కార్యక్రమాల్ని మరింత ముందుకు తీసుకెళ్లాలని భావిస్తున్నారట. అందుకోసమే బంజారాహిల్స్లో రూ.10 కోట్లతో సోనూ ఈ ఇంటిని తీసుకున్నట్లు వార్తలు వస్తున్నాయి.
అయితే ఈ భవనాన్ని ఆస్పత్రి కోసం వినియోగించబోతున్నట్లు కొందరు చెబుతున్నారు. మరి ఈ వార్తల్లో ఏది నిజమో తెలియాలంటే సోనూసూద్ స్పందించాల్సిందే!
ఇక సినిమాల విషయానికి వస్తే సోనూసూద్ ప్రస్తుతం మెగాస్టార్ చిరంజీవి హీరోగా నటిస్తోన్న 'ఆచార్య'లో కీలకపాత్ర పోషిస్తున్నారు. దీనితో పాటు మరిన్ని చిత్రాల షూటింగ్ల్లోనూ పాల్గొంటున్నారు.
