బాలీవుడ్ నటుడు సోనూసూద్కు అరుదైన గౌరవం దక్కింది. వచ్చే ఏడాది రష్యాలో జరగబోయే స్పెషల్ ఒలింపిక్స్ వరల్డ్ వింటర్ గేమ్స్లో భారత్కు బ్రాండ్ అంబాసిడర్గా ఎంపికయ్యారు. ఈ రోజు తనకు చాలా ప్రత్యేకమని, స్పెషల్ ఒలింపిక్స్ భారత్ బృందంతో చేరడం సంతోషంగా ఉందని సోనూసూద్ ఆనందం వ్యక్తం చేశారు. ఈ మెగా ఈవెంట్లో పాల్గొననున్న భారత అథ్లెట్లతో వర్చువల్గా మాట్లాడారు. వారిని ప్రోత్సాహిస్తూ ముందస్తు అభినందనలు తెలిపారు.
రష్యాలోని కజాన్ వేదికగా 2022 జనవరి 22 నుంచి స్పెషల్ వింటర్ ఒలింపిక్స్ ప్రారంభం కానున్నాయి. ఈ మెగా ఈవెంట్లో భారత్కు ప్రాతినిథ్యం వహించే అథ్లెట్ల బృందానికి సోనూ నాయకత్వం వహించనున్నారు. సోనూ ఎంపిక కావడంపై స్పెషల్ ఒలింపిక్స్ ఛైర్పర్సన్ డాక్టర్ మల్లికా నడ్డా సంతోషం వ్యక్తం చేశారు.
సోనూసూద్.. గతేడాది లాక్డౌన్ విధించినప్పటి నుంచి ఎన్నో వేలమంది ప్రజలకు అండగా నిలిచారు. తనవంతుగా ఇంకా సాయం చేస్తూ నే ఉన్నారు. మరోవైపు తెలుగు, హిందీలో సినిమాలు చేస్తూ బిజీగా ఉన్నారు.
ఇదీ చూడండి: సోనూసూద్ ట్రస్ట్.. కరోనా బాధితుల పాలిట సంజీవిని
