అమెరికా స్పేస్‌ స్టేషన్‌ నాసా ప్రయోగించిన స్కై లాబ్ భూమిపై పడుతుందని.. దాంతో భూమి నాశనమైపోతుందని అప్పట్లో విస్తృతంగా ప్రచారం జరిగింది. అప్పుడు ఏం జరుగుతుందో అని ప్రపంచమంతా ఊపిరి బిగపట్టి ఎదురు చూసింది. ఆ స్కైలాబ్‌.. మన బండ లింగంపల్లి అనే ఊళ్లో ఉన్న గౌరి, ఆనంద్‌, రామారావు అనే వ్యక్తుల జీవితాలపై ఎలాంటి ప్రభావం చూపించింది? వారి జీవితాల్లో ఎలాంటి పరిణామాలు జరిగాయనే విషయాలతోనే 'స్కైలాబ్‌' రూపొందింది.
సత్యదేవ్(Satyadev Kancharana), నిత్యమేనన్‌(Nithya Menen), రాహుల్ రామకృష్ణ ప్రధాన పాత్రధారులుగా నటించిన చిత్రమిది. విశ్వక్‌ కందెరావ్‌ దర్శకత్వం వహించారు. బైట్‌ ఫ్యూచర్స్‌, నిత్యమేనన్‌ కంపెనీ సంయుక్తంగా రూపొందిస్తున్నాయి. పృథ్వీ పిన్నమరాజు నిర్మాత. 1979 నేపథ్యంలో సాగే ఈ సినిమా పేరును, ఫస్ట్లుక్ను ప్రముఖ నాయిక తమన్నా విడుదల చేశారు.
ఉపరాష్ట్రపతితో భేటి
భారత ఉపరాష్ట్రపతి వెంకయ్య నాయుడుతో(M. Venkaiah Naidu) కోలీవుడ్ నటుడు విశాల్(Vishal) భేటీ అయ్యారు. తన సోదరితో పాటు వెళ్లి ఉపరాష్ట్రపతిని కలిసిన విశాల్ పలు అంశాలను ఆయనతో చర్చించారు. సమాజ సేవ కోసం ఏర్పాటు చేసిన ట్రస్టు గురించి ఆయనతో మాట్లాడానని విశాల్ అన్నారు.
వెంకయ్య నాయుడుతో విలువైన సమయం గడిపానని, ఆయనతో మాట్లాడటం ఎంతో ఆనందంగా ఉందని పేర్కొన్నారు. ఆయనకు ఆ దేవుడు మంచి ఆరోగ్యం ప్రసాదించాలని కోరుకుంటున్నానని అన్నారు. ట్విటర్‌ వేదికగా ఈ విషయాన్ని విశాల్ వెల్లడించారు. వెంకయ్యనాయుడుతో కలిసి దిగిన ఫొటోలను షేర్ చేశారు.
ఇదీ చూడండి.. 'ఆ హీరో కోసమే కథ వినకుండా ఓకే చెప్పేశా!'
