తెలుగు దర్శకులు చెబుతున్న కథలకు ఫిదా అవుతున్నారు తమిళ కథానాయకులు. ఇప్పటికే విజయ్‌(Vijay) - వంశీ పైడిపల్లి(Vamshi Paidipally), ధనుష్‌(Dhanush) - శేఖర్‌ కమ్ముల(Sekhar Kammula) కాంబినేషన్లలో సినిమాలు ఖరారు అయ్యాయి. తెలుగు దర్శకులు చెప్పిన కథలు నచ్చడం వల్ల ఆ ఇద్దరూ ఇప్పటికే సినిమాలు చేయడానికి పచ్చజెండా ఊపేశారు. అదే తరహాలోనే మరో తమిళ కథానాయకుడు శివకార్తికేయన్(Sivakarthikeyan) టాలీవుడ్లో అడుగుపెట్టేందుకు సిద్ధమవుతున్నారు.
'జాతిరత్నాలు'(Jathi Ratnalu) సినిమాతో ప్రేక్షకుల్ని కడుపుబ్బా నవ్వించి విజయాన్ని అందుకున్న యువ దర్శకుడు అనుదీప్(Anudeep Kv).. శివ కార్తికేయన్తో పనిచేయనున్నారని సమాచారం. ఈ కథ ఓ ద్విభాషా చిత్రంగా తెరకెక్కే అవకాశం ఉన్నట్లు ప్రచారం జరుగుతోంది. వీరిద్దరి మధ్య ప్రస్తుతం కథా చర్చలు కొనసాగుతున్నట్టు తెలిసింది. ఈ కలయికలో సినిమాను శ్రీ వెంకటేశ్వర సినిమాస్‌ నిర్మించనుంది. ఇదే సంస్థలోనే ధనుష్‌ - శేఖర్‌ కమ్ముల సినిమా రూపొందనుంది.
ఇదీ చూడండి.. జాన్వీ 'భయ్యా' అని పిలిస్తే.. అర్జున్ రియాక్షన్
